Svefnleysi er vandamál sem háir mikið af fólki í dag og getur það valdið miklum vandræðum og í verstu tilfellum alvarlegum veikindum. Það er því um að gera fyrir þá sem þjást af svefnleysi að prófa aðferð sem þróuð var árið 1981 fyrir hermenn í bandaríska hernum og á að hjálpa fólki að sofna á aðeins tveimur mínútum.

Ástæðan fyrir því að aðferðin var þróuð fyrir hermenn, samkvæmt Daily Mail, var til þess að þeir gætu sofnað og hvílt sig hvar og hvenær sem er og verið ávalt vel hvíldir fyrir baráttu.

Það eru tvær gerðir af svefnleysi. Sú fyrsta er þannig að fólk á erfitt með að sofna og sú seinni er að fólk á auðvelt með að sofna en er að vakna að minnsta kosti einu sinni á hverru nóttu.

Hvernig á að sofna á undir tveimur mínútum:

• Fyrsta skrefið er að slaka á öllum vöðvunum í andlitinu, þar með talið tunguna, kjálkan og vöðvana í kringum augun.
• Skref tvö er að slaka alveg á öxlunum og svo báðum höndunum í kjölfarið.
• Í þriðja skrefinu átt þú að anda út, slaka á bringunni og svo að lokum fótunum. Byrja á lærunum og færa slökunina svo niður í kálfa.
• Þegar þú ert búin að ná fullkominni slökun í líkaman í tíu sekúndur þá átt þú að tæma hugann alveg.
• Þú getur ímyndað þér að þú liggir í bát á rólegu vatni og það eina sem þú sérð er blár himininn fyrir ofan þig. Þú getur líka ímyndað þér að þú liggir ofan í svörtu hengirúmi í alveg myrku herbergi. Ef það gengur ekki getur þú prófað að endurtaka í hausnum á þér: „Ekki hugsa, ekki hugsa, ekki hugsa.“

Nú þegar þessar upplýsingar eru komnar er næsta skref að prófa sig áfram. Talið er að eftir sex vikur munir þú vera búin að ná góðum tökum á þessu og þá átt þú að geta sofnað á undir tveimur mínútum.