Öll höfum við mismunandi skoðanir á því hvaða verð er hátt og hvað er lágt fyrir ákveðnar vörur sem við verslum. Flestir myndu líklega telja sig vera að gera góð kaup ef þeir fengju ekta leður skó á 15.000 krónur en svo eru aðrir sem myndu glaðir borga 150.000 krónur fyrir skó par.
Það er hins vegar eitt alveg á hreinu, það er að skó par fyrir 1.883.770.000 krónur, eða einn milljarður, átta hundruð áttatíu og þrjár milljónir og sjö hundruð og sjötíu þúsund krónur eru mjög dýrir.
Staðreyndin er raunar sú að dýrustu skór heims, framleiddir af Jada Dubai og staðsettir í Dubai kosta einmitt þetta. Aðal ástæða verðmiðans er sú að á sitthvorum skónum er fimmtán karata demantur sem rífur verðið nokkuð mikið upp.
Hægt er að sérpanta skóna fyrir þá sem hafa áhuga og ef þú ert að velta því fyrir þér hvenær þú getur notað þá, þá er um að gera að skella sér í þá, ganga beinustu leið niður á Barnaspítala, gefa þá til góðgerðarmála og ganga svo berfættur heim. Það hefur enginn gott af því að eiga svona dýra skó.
