Það virðist aldrei ætla að enda, æðið sem byrjaði þegar einhver ákvað að taka mynd af matnum sínum og deila með heiminum. Í dag má finna endalaust af myndum frá fólki sem tekur myndir af matnum sínum, kaffinu sínu og stundum sjálfum sér vera að borða matinn sinn.
Það er orðið daglegt brauð að skoða slíkar myndir og einhverra hluta vegna virðist fólk elska þetta „trend“. Það sem gæti hins vegar verið skemmtileg tilbreyting væri að skella sér á þetta óvenjulega kaffihús sem opnaði árið 2017 í Seoul, Suður Kóreu og Bored Panda greindi frá.
Ástæðan fyrir því að þetta kaffihús er óvenjulegt en sú að allt inn í því, þar með talið matarstellið, er hannað og sett upp eins og teiknimynd. Fólk hefur því flykkst alls staðar að frá heiminum til þess að kíkja á kaffihúsið. Ef þú ert ein af þeim manneskjum sem elskar myndir af mat og skemmtilega staði til þess að heimsækja til þess að taka Instagram mynd þá ættir þú að skella þér til Suður Kóreu og fá þér einn kaffibolla.
