Þegar par hefur ákveðið að taka það stóra skref að flytja inn saman þá þarf að huga að ýmsu. Sama hvernig fólk lítur á það, þá er það mjög stór ákvörðun að flytja inn saman. Það er því mikilvægt að velta hlutunum fyrir sér og ræða ýmislegt áður en stokkið er á kaf í djúpu laugina.
„Yfirleitt þegar pör taka þessa mikilvægu ákvörðun þá gera þau ráð fyrir því að maki sinn hafi ákveðnar óskir. Það er mikilvægt að ræða öll mál áður en fólk flytur inn saman því það skapar minni áhættu á gremju seinna meir,“ segir Dr. Sabitha við Huffington.
Inni í þessari spurningu er innifalið að ræða það hver kemur með hvað inn á heimilið, hvað parið ætlar að kaupa sér saman og hvað það er sem vantar.
Peningavandamál eru algeng í samböndum en með því að ræða svona hluti fyrirfram þá minnkið þið líkurnar á því að rifrildi um peninga skapist seinna meir. Takið ákvörðun um það hvort stofna skuli sameiginlegan reikning sem mun vera notaður þegar kemur að íbúðarmálum og hver ber ábyrgð á því að borga hvað. Það er í lagi að vera ósammála um það hvernig þið eyðið peningum ykkar en það er mikilvægt þegar þið eruð í sambandi að geta rætt málin og tekið millivegin. Þannig komið þið í veg fyrir það að öðru hvoru ykkar líði illa.
Það gæti verið vandræðalegt að ræða þetta þar sem þið eruð kannski ekki búin að taka ákvörðun um það að vera saman að eilífu. En það er mikilvægt að bera þessa spurningu á borð svo að hvorugt ykkar verði fyrir vonbrigðum með það hvernig hinn aðilinn lítur á þetta.
Þessari spurningu fylgir líka skipulagning á þrifum og fleiru þess háttar. Kannski vill annað ykkar sjá um að þrífa klósettið á meðan hitt vaskar upp og svo framvegis.
Það getur verið mikilvægt að skrifa niður þau verkefni sem þarf að sinna á heimilinu og að hvort um sig beri ábyrgð á sínu verkefni. Svo lengi sem þið skiptið niður verkefnum þá ætti ykkur að líða vel.
Hér þarf líka að velta fyrir sér hvernig umgengni er á heimilinu. Er annað ykkar morgunmanneskja sem vill vakna snemma á meðan hitt vakir frameftir með hávaða í sjónvarpinu. Það þarf að setja reglur á þessa hluti.
Það er mikilvægt að ræða þetta. Sumum finnst ekki gott að hafa gestagang allan daginn heima hjá sér á meðan öðrum finnst það ekkert mál. Það er gott að gefa góðan fyrirvara ef þú ætlar að bjóða vinum/vinkonum heim svo maki þinn geti undirbúið sig fyrir það. Ekki mæta með fimm félaga heim úr vinnunni án þess að láta vita, það mun enda í rifrildi.
Þetta er það sem flest pör ræða ekki. En ástæðan getur verið marbreytileg. Kannski eruð þið að spara, kannski viljið þið sjá hvert sambandið leiðir ykkur, eða kannski eruð þið að stefna á það að gifta ykkur fljótlega. Það er gott að hafa einhverja hugmynd á því hvað hinn aðilinn er að hugsa svo enginn verði fyrir vonbrigðum.