Gamla fréttin: Nú þegar skólarnir eru nýlega byrjaðir er viðeigandi að birta frétt sem vakti mikla athygli. Hún segir frá einhverfri 18 ára stúlka sat ein til borðs og grét yfir afmæliskökunni sinni á afmælisdaginn sinn eftir að enginn þeirra 20 vina hennar, sem hún hafði boðið í afmælið, mætti Hún hafði boðið vinum sínum og skólafélögum í keilu og köku í tilefni dagsins. Enginn lét svo lítið sem að mæta eða afboða sig.
Hallee Sorenson býr í Bangor í Maine í Bandaríkjunum. Hún er einhverf og er að sögn móður hennar með andlegan þroska á við 6 ára barn. Hallee blés til veglegrar afmælisveislu í júlí á síðasta ári og hlakkaði að vonum mikið til að vinir hennar og skólafélagar kæmu í veisluna.
Móðir hennar, Allyson Seel-Sorenson, tók síðan átakanlega ljósmynd af Hallee þar sem hún sat ein við veisluborðið, með partýhatt á höfðinu, með afmælistertuna fyrir framan sig því hún vissi ekki hvað hún gat gert annað.
„Ég faldi mig á bak við súlu og grét, ég sendi manninum mínum þessa mynd og spurði hann hvað við ættum að gera. Ég vissi ekki hvað ég ætti að segja henni.“
Sagði Allyson og bætti við:
„Loksins vildi dóttir mín halda upp á afmælið sitt með vinum sínum, hún var svo spennt og það vorum við líka. En síðan kom enginn.“
Myndin var birt þegar næstum eitt ár var liðið frá þessum ömurlega afmælisdegi, þar sem í ljós kom hverjir eru sannir vinir og hverjir ekki, en myndin af Hallee, sitjandi ein við veisluborðið en eftir að myndin var birt fór hún á mikið flug á samfélagsmiðlum. Það gerðist eftir að frænka hennar deildi myndinni á Facebook í þeirri von að Hallee þurfi ekki að halda ein upp á afmælið sitt nú í júlí.
Rebecca Lyn notaði mátt samfélagsmiðla til að vekja athygli á málinu og til að biðja fólk að senda Hallee afmæliskort til að gleðja hana á afmælisdaginn og gera hann ógleymanlegan.
„Hún er bara einstaklingur sem er með einhverfu. Hún hefur aldrei látið það litla atriði skilgreina sig sem einstakling og því vil ég ekki nota það til að lýsa henni.“
Rebecca starfaði sem neyðarvörður í Massachussetts og vonaðist hún til að vinnufélagar hennar myndu deila færslu hennar og það myndi verða til að nokkrir slökkviliðs- og lögreglumenn myndu senda Hallee afmæliskort, hún átti enga von á þeirri miklu athygli sem fylgdi í kjölfarið.
Mæðgurnar á sínum tíma
Í kjölfarið bárust ótal afmæliskort og var stúlkan í skýjunum. „Hún er með andlegan þroska á við sex ára barn svo þetta verður mjög spennandi fyrir hana. Hún elskar að fá póst sem er stílaður á hana.“
Hallee bætti við: „Þegar hún sér myndina af sér í veislunni á síðasta ári lítur hún alltaf undan. Hún segir: „Ég var alein“ og það nístir hjarta mitt,“ sagði móðir hennar um þennan erfiða dag. Bleikt minnir á þessa sögu í tilefni þess að skólarnir eru nú byrjaðir og enginn á að þurfa upplifa það sem þessi stúlka gekk í gegnum. Það á enginn að þurfa að sitja einn og dapur við afmælisborðið að fagna fæðingardeginum!