Listamaðurinn, leikarinn og fyrirsætan Rick Genest sem var þekktastur fyrir mögnuð húðflúr sín og framkomu sína í tónlistarmyndböndum Lady Gaga fannst látin á heimili sínu.
Rick Genest sem var einungis 32 ára gamall er talinn hafa framið sjálfsvíg en þó á eftir að staðfesta það samkvæmt Metro.
Söngkonan Lady Gaga og Rick voru góðir vinir og var hún ein af þeim fyrstu sem tjáðu sig um andlát hans opinberlega:
„Sjálfsvíg vinar míns Rick Genest, Zombie Boy, er hrikalegt. Við þurfum að vinna harðar í því að breyta menningu okkar og setja andlega heilsu fremst á listann. Við þurfum að eyða þessari slæmu stimplun sem við megum ekki tala um. Ef þér líður illa, hringdu þá í vin eða fjölskyldumeðlim í dag. Við verðum að bjarga hvort öðru.“