Ég veit að lífið getur verið ósanngjarnt og þér finnst eins og að ekkert gangi þér í hag. Ég veit að lífið hefur verið þér erfitt og að þú þarft að berjast við lífið hvern einasta dag. Ég veit að verkefni lífsins hefur gengið fram af sumum og að við erum misjafnlega vel byggð til þess að taka þeim áskorunum sem að dagarnir gefa okkur.
Ég veit að þú ert sterkari en þú virðist og klárari en þú heldur.
Elsku systir mín ég veit að við erum ekki alltaf sammála með allt. Ég veit að við höfum misjafnar skoðanir og sjáum hlutina öðruvísi.
En ég vona að þú getir fundið það í þér að fá hjálp með það sem að þú getur ekki breytt. Fáir styrk til þess að viðurkenna fyrir sjálfri þér vandamálin sem eru svo áþreifanleg að þau hafa áhrif á alla. Ég vona að þú sjáir að það sem að aðrir gera fyrir þig er gert af væntumþyggju og með þína velferð í fyrirrúmi.
Ég vona að þú getir gert það fyrir þig og fyrir aðra sem eru nánir þér.
Ég er svo heppin að eiga þig elsku systir, en það er þyngra en tárum taki að horfa á alla í kringum þig detta niður með þér.
Við erum svo heppnar með það að eiga góða foreldra, foreldra sem að hafa alltaf sett okkur í fyrsta sæti.
Við erum hins vegar orðnar fullorðnar og þurfum nú að leyfa þeim að vera í fyrsta sæti.
Elsku systir mín gerðu það fyrir þig að reyna að láta þér líða vel og sætta þig við að þú getir ekki tekið við öllum áhyggjum lífsins á herðar þér. Stundum þurfum við bara að sætta okkur við og þyggja þá hjálp sem að við þurfum svo að við brjótum ekki aðra í kringum okkur.
Færslan er skrifuð af Katrínu Helgu til systur sinnar og birtist upphaflega á síðunni Vynir.is