Þegar Maarten var aðeins 19 ára gamall greindist hann með krabbamein sem hefði getað eyðilagt fyrir honum feril sinn í sundi. Læknar hans voru ekki bjartsýnir á það að Maarten myndi lifa krabbameinið af en öllum til undrunar gerði hann ekki aðeins það heldur sigraði hann Ólympíuleikana í Beijing árið 2008, einungis tveimur árum eftir greiningu.
Maarten van der Weijden ákvað að safna fyrir rannsóknum á krabbameini með því að synda 200 kílómetra á 3 sólarhringum. Á þeim 55 klukkutímum sem sundið átti að taka mátti hann aðeins fara upp úr vatninu og leggja sig í stutta stund í senn.
Maarten náði þó ekki að klára alla 200 metrana en þegar hann var búinn að synda 163 kílómetra varð hann veikur. Staðfest var að vatnið Elfstedentocht í Hollandi, þar sem Maarten hafði synt var of mengað fyrir hann til þess að halda áfram sundinu. Maarten tókst hins vegar að safna 4 milljónum Bandaríkjadala til styrktar krabbameinsrannsóknum sem er ótrúlegt afrek fyrir einn mann.
Nýlega birti Bored Panda myndir af húð Maarten eftir að hafa verið í 55 klukkutíma í vatninu og má líklega segja að enginn hafi fengið jafn mikla rúsínuputta eða tær áður.