Steiney Skúladóttir, leikkona og Reykjavíkurdóttir hefur áhyggjur af tónlistarmanninum Herra Hnetusmjör og hans samskipti við skattyfirvöld. Steiney greindi frá þessu í Twitterfærslu í gær.
„Oh hef svo miklar áhyggjur af Herra Hnetusmjör og hvað hann rappar opinskátt um svarta peninginn sem hann er að fá. Vona að ríkisskattstjóri hlusti ekki á rapp,“ skrifaði Steiney.
Óhætt er að segja að Steiney hafi nokkuð til síns máls en í laginu Labbilabb sem kom út á plötunni KÓPBOI árið 2017 talar Herra Hnetusmjör ansi frjálslega um peninga en hér að neðan má sjá þrjú stutt textabrot úr laginu.
„Umslag, já takk, sleppa að borga smá skatt.“
„Ég vil hafa peninginn svartan og sykurlausan.“
„Snemma heim, ég er með peninginn í umslagi.“
Oh hef svo miklar áhyggjur af Herra Hnetusmjör og hvað hann rappar opinskátt um svarta peninginn sem hann er að fá. Vona að ríkisskattstjóri hlusti ekki á rapp
— Steiney Skúladóttir (@steiney_skula) July 16, 2018
Bubbi Morthens var fljótur að svara tístinu og segist sannfærður um að skatturinn nái fylgist grant með. „Skattman er með Herra Hnetusmjör smurðan og mun einn daginn troða honum inn,“ segir Bubbi
Trúðu mér er búin að vera í þessum bransa í 40 ár skattman er með Hera hnetusmjör smurðan og mun einn daginn troða honum inn
— Bubbi Morthens (@BubbiMorthens) July 16, 2018
