Tímavélin á Bleikt: Sagan af dúkkukaupum Sophia Benner fór sigurför um heiminn og á alltaf við. Svarið var vegna spurningu afgreiðslumanns í leikfangadeildinni. Afgreiðslumaðurinn áttaði sig ekki á vali Sophia á dúkku og spurði hana út í val hennar.

Sophia var í Target verslun með móður sinni, Brandi Benner, og mátti sjálf velja sér dúkku en það voru verðlaun sem hún fékk fyrir að vera hætt að nota bleiu. Sophia valdi sér svarta dúkku en sjálf er hún hvít á hörund en eitthvað stakk það afgreiðslumanninn í augu því hann sagði við hana:

„Við eigum margar dúkkur sem líkjast þér meira. Ertu viss um að það sé þessi dúkka sem þú vilt fá?“

Þessu svaraði Sophia: „Já, takk.“

Móðir hennar reiddist yfir orðum afgreiðslumannsins en áður en hún náði að segja eitthvað um fordómafull orð hans tók Sophia til máls:

„Jú, hún líkist mér. Hún er læknir eins og ég. Og ég er falleg stúlka og það er hún líka. Sérð þú fallega hárið hennar og hlustunarpípuna?“

Þetta varð til þess að afgreiðslumaðurinn sagði ekki meira um val Sophia á dúkku.

Í Facebookfærslu um málið skrifaði Brandi Benner að þetta atvik hafi staðfest hennar eigin hugmyndir um að börn fæðist ekki með þá hugmynd að húðlitur skipti máli.