Stórstjarnan Johnny Depp hefur séð betri daga samkvæmt mörgum aðdáendum hans en ljósmyndir birtust af leikaranum á Instagram nú á dögunum.
Depp er búinn að vera á tónleikaferðalagi með hljómsveit sinni, Hollywood Vampires, í St. Pétursborg í Rússlandi og náðu aðdáendur að smella af nokkrum ljósmyndum sem vöktu upp deilur og vangaveltur, sérstaklega þegar orð eins og „veiklegur“ og „grannur“ voru ítrekað fleygð í athugasemdum.
„Hetjan mín lítur út fyrir að vera fárveik,“ sagði einn notandi við eftirfarandi ljósmynd sem birtist af Depp ásamt aðdáanda.
Johnny Depp is not doing well guys. pic.twitter.com/A4Ag3OAolz
— Corby Davidson (@corbydavidson) June 2, 2018
Hins vegar eru komnar getgátur um að Depp líti svona út vegna nýs hlutverks. Depp er búinn að vera í tökum á kvikmyndinni Richard Says Goodbye og þar leikur hann háskólaprófessor sem greinist með lífshættulegan sjúkdóm. Í kjölfar tíðindana gengur prófessorinn yfir öll mörk í eiturlyfjaneyslu og skemmtanalífinu almennt og mætti segja að útgangur stórleikarans stemmi við prófílinn, þó meirihlutinn vilji meina að liggi eitthvað stærra þarna á bakvið.
Ekki nema maðurinn sé bara svona langþreyttur eftir erfiða tónleika. Það má alveg.
