Kanye West hefur verið greindur með geðhvarfasýki samkvæmt textanum við lagið Yikes sem má finna á nýjustu plötunni hans, Ye, en hana gaf rapparinn út í síðustu viku.
Í laginu er textinn svohljóðandi:
„That’s my bipolar shit
That’s my superpower nigga,
ain’t no disability
I’m a superhero!
I’m a superhero!“
Í fyrra staðfesti Kanye við fréttamiðilinn Mirror að hann væri nýgreindur með sjúkdóm og fór rapparinn ekki nánar út í það á þeim tíma. „Ég hef aldrei verið greindur fyrr en nú,“ segir tónlistarmaðurinn sem hefur síðan þá verið ófeiminn við staðreyndirnar.
Um helgina sagði hann við TMZ að hann væri nú hættur á lyfjum en fer hann þá gegn læknisráði þar sem mælt er með þremur töflum á dag í hans tilfelli.
Fyrir nokkrum árum fékk tónlistarmaðurinn taugaáfall og sagðist hafa gengist undir fitusog af þeirri einföldu ástæðu að hann vildi líta vel út fyrir aðdáendur sína. Eftir aðgerðina hafi hann fengið sterk verkjalyf, ópíóíða, sem hann ánetjaðist.
Geðhvarfasýki (e. Bipolar disorder eða manic-depressive disorder) er tiltölulega algengur geðsjúkdómur sem lýsir sér þannig að sjúklingurinn upplifir djúpt þunglyndi og oflæti eða maníu til skiptis. Kanye West er fjarri því að vera eina stórstjarnan til að vera greind með geðhvarfasýki og má meðal annars nefna Mariuh Carey, Catherine Zeta-Jones, Russell Brand og Stephen Fry.
Umrædda lagið frá Kanye má heyra að neðan.
