Ég las svo frábæra grein á netinu um daginn að ég ákvað að þýða hana lauslega og setja hana hér inn. Þessi grein fékk mig nefnilega virkilega til að hugsa og held ég að allir foreldrar hefðu gott að því að lesa hana. Greinin er upprunalega eftir Victoria Prooday.
Inn á heimilum okkar er óumtalað vandamál að þróast sem snertir það dýrmætasta sem við eigum – börnin okkar. Börn í dag eru mörg hver að þróa með sér andlega vanlíðan og hegðunarvanda. Ef talað er við kennara og sérfræðinga hafa þeir allir sömu áhyggjur, það sem meira er, sérfræðingar hafa verið að sýna fram á ógnvekjandi tölfræði um mikla og stöðuga aukningu á geðsjúkdómum barna, hér kemur smá tölfræði:
1 af hverju 5 barni á við geðheilsuvandamál að stríða
43% aukning á ADHD
37% aukning á þunglyndi unglinga
100% aukning á sjálfsmorðs tíðni barna 10-14. ára
Nei, auking greining á börnum, er ekki ástæðan!
Nei, „þessi börn fæddust öll svona“, er ekki ástæðan!
Nei, þetta er allt skólakerfinu að kenna, er ekki ástæðan!
Já, eins ömurlegt og það er verður að viðurkennast að í mörgum tilfellum eru það við foreldrarnir sem erum svarið við öllum erfiðleikum barnanna okkar.
Það er vísindalega sannað að umhverfið sem börn alast upp í hefur mikil áhrif á heilastarfssemi þeirra. Það umhverfi sem foreldrar eru að bjóða börnunum sínum upp á í dag er því miður, í mörgum tilfellum, að stýra heila barnanna í ranga átt. Auðvitað eru alltaf einhver börn sem eru fædd með ákveðna eiginleika, fötlun eða slíkt og sama hvað foreldrar hafa gert og reynt halda börnin áfram að ströggla, þetta eru ekki börnin sem verið er að tala um hér. Hér er verið að tala um hin börnin sem mótast af því umhverfi sem foreldrar þeirra hafa skapað þeim. Victoria hefur orðið vitni af því í gegnum sínar rannsóknir að um leið og foreldrar breyta um sjónarhorn og horfa öðruvísi á uppeldið þá breytast þessi börn.
Hvað er að?
Börn í dag eru svipt þeim grundvallaratriðum sem stuðlar að heilbrigðri æsku, eins og:
Í staðinn er börnum boðið upp á:
Getur einhver ímyndað sér að hægt sé að ala upp heilbrigða kynslóð í þessu óheilbrigða umhverfi? Auðvitað ekki! Það eru ekki til neinar flýtileiðir þegar kemur að uppeldi barna og við getum ekki platað mannlegt eðli. Tilfinninleg vellíðan barna er sett í hættu með ójafnvægi í æsku.
Ef við viljum að börnin okkar alist upp sem hamingjusamir og heilbrigðir einstaklingar þurfum við að fara vakna og fara aftur í grunnatriðin. Það er ennþá möguleiki og hefur Victoria orðið vitni að mjög jákvæðum breytingum aðeins með því að fara eftir þessum ráðleggingum:
1. Settu tökmörk og mundu að þú ert foreldri barnsins, ekki vinur. Bjóddu barninu upp á jafnvægi uppfullt af því sem barnið ÞARF en ekki það sem það VILL. Ekki vera hrædd við að segja nei við barnið ef það sem barnið vill er ekki það sem það þarf.
Bjóddu upp á næringaríkan mat og takmarkaðu snarlið og nammið.
Njótið klukkutíma á dag á grænu svæði eins og að hjóla, ganga, leika, veiða, horfa á fugla o.s.frv.
Hafið fjölskyldustund við matarborðið á kvöldin, síma og sjónvarpslaus.
Spilið eitt spil saman daglega.
Láttu barnið taka þátt í einu húsverki á dag t.d brjóta saman, taka til, hengja upp föt, taka uppúr pokum, elda, leggja á borð o.s.frv.
Hafðu barnið í svefnrútínu til að tryggja góðan svefn í tæknifrjálsu herbergi.
2.Kenndu ábyrgð og sjálfstæði. Ekki ofvernda barnið frá öllum litlum atvikum.
Ekki pakka ofan í bakpokan fyrir barnið, ekki halda á pokanum, ekki fara með nestið sem það gleymdi í skólann og ekki taka utan af banana fyrir 5. ára barn. Kenndu barninu, í stað þess að gera allt fyrir það.
3.Ekki mata barnið þitt stanslaust að skemmtun og kenndu barninu að leiðast því þá vaknar sköpunin.
Ekki halda að þú þurfir að vera skemmtanastjóri fyrir barnið þitt.
Leyfðu barninu að leiðast – ekki alltaf henda símanum í barnið.
Forðastu að nota síma/sjónvarp þegar það er matur, í bílnum, veitingastöðum o.s.frv.
Hjálpaðu þeim að búa til „að leiðast sjúkrakassa“ með hugmyndum að hlutum til að gera þegar „mér leiðist“ tíminn kemur.
4. Vertu til staðar fyrir barnið þitt tilfinningalega
Slökktu á símanum þínum þar til barnið er sofnað til að forðast truflun frá símanum
Kenndu barninu þínu að tjá og stjórna tilfinningunum sínum.
Kenndu samúð, að deila, kveðja, borðsiði, samskiptahæfni
Reyndu að tengjast barninu þínu tilfiningum, brostu, knúsaðu, kítlaðu, dansaðu, hoppaðu og lestu með barninu þínu.
Enginn er fullkomin og ég held að allir geti tekið eitthvað sem hér er sagt til sín og gert betur. Ég ætla allavega að reyna það sem ég get til tileinka mér þessa hluti í mínu uppeldi þó svo að ég viti að það tekst auðvitað ekkert alltaf en að hafa þessa punkta bakvið eyrað getur aukið líkurnar!
Hægt er að fylgjast með Snædísi á Instagram undir notandanafninu: Snaedisbergmann
Færslan er skrifuð af Snædísi Bergmann og birtist upphaflega á Lady.is