Við höfum líklega flest séð greinar þar sem bornar eru saman tvær myndir, tveir einstaklingar í sama/svipuðum fatnaði og spurt: Hvora/hvorn klæddi hann betur? Þetta er algengt með til dæmis frægar söng- eða leikkonur sem voga sér að láta sjá sig á almannafæri í eins kjól og einhver samkeppnisdívan.
Vinur uppistandarans Þórhalls Þórhallssonar ákvað að bregða á leik á Instagramsíðu sinni og setti saman mynd af Þórhalli og Sonju Valdin fyrrverandi söngkonu Áttunnar og nú er spurningin: Hvort klæðir það betur?
„Nýjasta Instagram rassamódel Íslands er thorhallur83,“ segir Þórhallur í gríni um mynd vinarins.
