Á meðan flestir Íslendingar veltu litlu öðru fyrir sér heldur en HM í fótbolta á laugardaginn síðasta var Edda Ósk Smáradóttir í miðjum undirbúning fyrir brúðkaup sitt sem hófst einungis nokkrum mínútum eftir að dómari flautaði leikinn af.
„Ég klæddi mig í hálfleik og missti ekki af vítinu eða neinu. Ég var eiginlega stressaðri yfir leiknum en brúðkaupinu,“ sagði Edda í útvarpsviðtali á Rúv.
Edda sagði að HM hafi klárlega sett svip á brúðkaupið en sumir gestanna voru enn í landsliðstreyjunum þegar athöfnin hófs. Edda missti að sjálfsögðu ekki af leiknum og horfði hún á hann á meðan verið var að farða hana fyrir stóru stundina.
„Það voru margir sem nýttu sér tæknina og kláruðu leikinn ýmist í kirkjunni eða bílnum fyrir utan. Þegar ég mætti voru margir að hlaupa inn í Íslandstreyjunni yfir sparikjólnum.“
Edda sagði að mikil stemning hafi verið í veislunni og að tekið hafi verið á móti brúðhjónunum með Húh-i. Einnig greindi hún frá því að þau hjónin væru vön því að íþróttaviðburðir spiluðu stórt hlutverk í lífi þeirra en þegar þau skírðu dóttur sína á sínum tíma hafi Íslandi einmitt verið að keppa á HM í handbolta.