Ljósmynd af bráðveikri stúlku, haldandi í höndina á eldri bróður sínum, hefur breiðst eins og eldur um sinu um veraldarvefinn, en þarna rúmliggjandi sést hin fjögurra ára Adalynn Joy Sooter. Adalynn Joy – kölluð Addy – greindist árið 2016 með sjaldgæft krabbamein í heila sem nefnist DIPG (e. diffuse intrinsic potine glioma) og er engin lækning við.
Addy var aðeins tveggja ára á þeim tíma þegar hún greindist með heilaæxlið og var send í ítarlega lyfjameðferð. Þeirri meðferð tókst að hægja aðeins á vexti æxlisins en fór það ört vaxandi aftur þegar foreldrar Addy snéru sér að tilraunameðferðum í Mexíkó, sem kostaði fjölskyldunni yfir 150 þúsund dali, eða tæplega 16 milljónir íslenskra króna.
Tilraunameðferðirnar skiluðu góðum árangri í skamman tíma en þá versnaði ástandið stuttu síðar.
„Lítill drengur á aldrei að þurfa að kveðja leikfélaga sin, besta vin eða litlu systur,“ segir pabbi stúlkunnar, Matt Sooter, um ástandið þegar hann uppfærði stöðuna á Facebook. „Svona á þetta ekki að vera, en þetta er brotni heimurinn sem við lifum í.“
Scooter segir að bróðir hennar hafi neitað að fara frá hlið yngri systur sinnar á lokametrunum.
Addy lést skömmu eftir að Matt tók ljósmyndina af systkinunum.