Á föstudag náðust foreldrar á mynd þar sem þeir létu ung börn sín setjast á klettabrún og tóku síðan myndir af þeim. Staðurinn er Beachy Head í East Sussex á Englandi. Fallið niður af klettabrúninni er 531 fet eða 162 metrar. Það sem gerir fallið enn hættulegra er klettarnir sem eru í sjónum fyrir neðan.
Beachy Head er vissulega fallegur staður, en hann er þó ekki best þekktur fyrir fegurð, heldur fyrir fjölda sjálfsvíga þar, en um 20 manns láta sig falla fram af klettunum árlega. Til að sporna sjálfsvígum og veita einstaklingum sem eru í sjálfsvígshættu aðstoð er vakt þar allan sólarhringinn, auk þess sem skilti með neyðarsímanúmerum eru við klettabrúnina og starfsmann á börum og veitingahúsum í nágrenninu láta lögreglu vita telji þeir að gestir þeirra séu í sjálfsvígshættu.
Á fimmtudag, degi áður en foreldrarnir á myndinni léku sér að því að setja börn sín í hættu fyrir myndatökur, fannst lík jazzsöngkonunnar Hannah Northedge í fjörunni. Hennar hafði verið leitað síðan á miðvikudag, en talið er að hún hafi fyrirvarið sér vegna þunglyndis og keyrt bíl sínum fram af klettinum.
