Afkomendur og ættingjar Whitney Houston eru alls ekki ánægð með ákvörðun Kanye West um að nota ljósmynd af baðherbergi Houston heitinnar framan á hulstri nýjustu breiðskífu rapparans Pusha T, en West er einn af framleiðendum plötunnar.
Á ljósmyndinni sést í rusl og eiturlyf víða dreifð á subbulega baðherberginu, en myndin var í eigu fréttamiðilsins National Enquirer og segja sögur að Kanye hafi keypt hana fyrir 85 þúsund dollara.
album 1 PUSHA T DAYTONA dropping 2mrw pic.twitter.com/M1UPvax5fa
— KANYE WEST (@kanyewest) May 24, 2018
„Að gera eitthvað svona fyrir athyglina eða til þess að selja plötur, þetta er gjörsamlega ógeðslegt,“ sagði Damon Elliot, frænka söngkonunnar í samtali við People. „Þetta særði fjölskyldu mína og dóttur. Þetta er lágkúrulegt. Þetta er hallærislegt.“
Kanye hafði víst tekið þá ákvörðun að nota þessa ljósmynd á allra síðustu stundu og skipt gamla umslaginu út fyrir henni, en myndin var tekin nokkrum árum áður en Houston lést. Kanye hefur varið þessa notkun með einfaldri opinberri skýringu: „Fólk þarf að sjá þetta.“