Söngkonan heimsfræga Rihanna setti í gær nýja mynd inn á Instagram reikning sinn. Á myndinni situr Rihanna fyrir og nýtur sólarinnar í bikiníbuxum og hlýrabol. Það sem vakti sérstaka athygli fólks var það að Rihanna hafði ekki fyrir því að raka á sér fótleggina fyrir myndina.
Þessi örfáu ljósu hár sem Rihanna skartaði á fótleggjum sínum urðu nóg til þess aðdáendur hennar tóku ákvörðun um að leggja rakvélarnar á hilluna. Í athugasemdum sem aðdáendur söngkonunnar mátti meðal annars lesa: „Ef Rihanna rakar ekki á sér fótleggina þá ætla ég ekki heldur að gera það.“
Samkvæmt Popsugar hefur Rihanna ekki svarað athugasemdunum sérstaklega en ef marka má hennar stefnu þá vill hún að fólk fari sínar eigin leiðir í lífinu.
