Verum bara alveg hreinskilin. Við höfum öll sleppt því að taka af okkur farðann áður en við förum að sofa. En hvað gerir það við húðina okkar í raun og veru?
Ef þú leggur það í vana þinn að sleppa því að hreinsa húðina fyrir nóttina þá eru nokkur atriði sem þú ættir að hafa í huga. Popsugar hafði samband við nokkra sérfræðinga og bað þá um að útskýra hvað það er sem raunverulega gerist við húðina okkar þegar við sofum með farðann á okkur.
„Farðinn á það til að stífla svitaholurnar okkar og þegar við þrífum húðina í lok dags erum við að hreinsa drulluna sem liggur í þeim. En ef þú ferð að sofa með farðann á andlitinu þá stíflar þú svitaholurnar með olíukenndu efni sem gerir það að verkum að þær stækka. Það getur komið sýking í þær og þú getur endað á því að fá ör,“ segir dr. Tatiana.
Samkvæmt dr. Tatiana gerist þetta vegna þess að farðinn kemur í veg fyrir eðlilega virkni fitukirtlanna.
„Það getur stíflað fitukirtla og gert það að verkum að seytiefni fitukirtlanna eykst of mikið sem er bólguvaldandi. Það er hinsvegar mikilvægt að muna að rakakrem fyrir húðina gera þetta ekki. Það er mikill miskilningur að olíu mikilhúð eldist betur, það er einfaldlega ekki satt.“
En stækkaðar svitaholur er ekki eina vandamálið sem fólk má búast við ef það sefur með andlitsfarðann á sér.
„Farðinn myndar olíu á húðinni sem dregur að sér mengun og bakteríur. Að sofa með farðann á sér getur gert það að verkum að húðin á þér er umlukin slæmum efnum og bakteríum alla nóttina. Húðfrumurnar munu ekki starfa á eðlilegan hátt og fitukirtlarnir geta farið að bila. Það leiðir til þess að húðin þín mun ferða fitumeiri, óheilbrigðari og ljótari.“
Dr. Tatiana segir að ef sofið er með farða á andlitinu yfir langan tíma þá séu meiri líkur á því að fólk fái bólur og ör og að húðin verði viðkvæmari.
Ef fólk sækist eftir því að vera með glansandi fallega húð sem er laust við bólur ætti það því að temja sér góða húðhreinsunarrútínu á kvöldin.