Eins og vitað er gekk Harry Bretaprins að eiga leikkonuna Meghan Markle á laugardaginn síðasta í Windsor-kastala og var tæplega sex hundruð manns boðið í brúðkaupið. Fólk úr öllum áttum lét sjá sig þennan stóra dag og var hvergi skortur á frægu fólki eða stórstjörnum.

Hins vegar eru fáeinir aðilar, vinir brúðgumans eða brúðarinnar, sem þóttu líklegir til þess að mæta en voru hvergi sjáanlegir. Hvort boðskortið hafi týnst eða eitthvað komið upp á er mikil ráðgáta, en á meðal þeirra sem héldu sér annars staðar eru eftirfarandi nöfn.

Fyrrum spretthlauparinn Usain Bolt er mikill vinur Harrys og hefur verið það lengi. Þeir félagar hafa náðst oft saman á ljósmyndum og sagði Bolt opinberlega að hann ætlaði að halda þrjár stórar steggjaveislur fyrir brúðkaup bretaprinsins. „Ég verð helst að hafa þær þrjár!“ sagði hann á sínum tíma við fréttamiðilinn The Sun. „Hugmyndin er að hafa eina veislu í Kingston, eina í Las Vegas og eina í London. Ég veit að það er mikið en þetta eru síðustu dagar hans sem frjáls maður. Ég mun persónulega taka fulla ábyrgð á því að koma honum aftur heim til Meghan heilum á húfi.“

Því miður varð ekkert úr þessum steggjunum og var Bolt hvergi sjáanlegur við athöfnina.

Leikkonan Margot Robbie er sögð vera í miklum SMS-samskiptum við brúðgumann en eitthvað klikkaðist að bjóða henni, ekki nema hún hafi verið of upptekin við tökur á nýrri mynd, enda ein eftirsóttasta leikkonan í bransanum í dag.

Söngvarinn Rod Stewart og Charles Bretaprins eru sagðir vera miklir mátar og hafa verið það í áraraðir. Söngvarinn tók lagið í sextugsafmæli Charles árið 2008 en var fjarri góðu gamni að þessu sinni.

Samkvæmt heimildum boðaði stórleikkonan og athafnakonan Angelina Jolie komu sína í brúðkaupið. Ýmis vitni sögðust sjá leikkonuna á Heathrow-flugvelli í London skömmu fyrir athöfnina. Þar að auki hefur Jolie góðkunn tengsl við Bretlandsdrottninguna. Eitthvað hefur þó komið upp á, því Jolie hefur verið annars staðar á stóra deginum.

Sagt er að Grammy-verðlaunahafinn Ed Sheeran hafi verið beðinn um að koma fram sem tónlistargestur í konunglega brúðkaupinu. Hins vegar sást hvergi til hans í fjöldanum þegar leið á daginn sjálfan, hvorki sem gestur við athöfnina né á bakvið hljóðnemann.

Fyrrum forseti bandaríkjanna, Barack Obama, er góður vinur Harrys Bretaprins. Það dugði hins vegar ekki til þar sem þeim Michelle var ekki boðið í athöfnina.

Óskarsverðlaunahafinn Eddie Redmayne er sagður vera góður félagi konunglega svaramannsins, Vilhjálms Bretaprins, og voru þeir saman í Eton-háskólanum í Windsor á yngri árum. Boðskortið hans Redmayne skilaði sér þó ekki.

Raunveruleikastjarnan Millie Mackintosh átti upphaflega að vera brúðarmær á hátíðardeginum en nú eru orðrómar farnir á flug um að Millie og Meghan séu ekki jafngóðar vinkonur og áður var talið. Mackintosh endaði á því að fylgjast með viðburðinum heimanfrá og hefur opinberað að hún sé ekkert bitur yfir vöntun á boðskorti.