Ljósmyndarinn Giedre Gomes birti í tilefni mæðradagsins myndaröð þar sem hún sýnir hina hlið móðurhlutverksins. Oft eru elskandi mæður gjarnar á að birta myndir af börnum sínum á samfélagsmiðlum sem sýna fallegu og góðu stundirnar í uppeldinu er Gomes langaði að sýna raunsærri mynd. Fékk hún til liðs við sig vinkonur sínar og börn þeirra og er útkoman vægast sagt skemmtileg.
,,Allir tala um hve móðurhlutverkið sé einstakt, hve tengslin milli móður og barns séu ólík nokkru öðru og þetta sé töfrandi ferli sem er fyrst og fremst gefandi. Ég er mjög sammála því, ég dýrka að vera móðir og finnst það vera besta starf í heiminum. Ég er móðir tveggja drengja og elska þá svo innilega, en þetta er ekki alltaf bara regnbogar og fiðrildi” skrifar Giedre og birtir meðfylgjandi myndir sem hún segir sýna réttari mynd af degi í lífi móður.