Aldrei skal vanmeta mömmurnar, því án þeirra værum við ekki hér.
Í dag er mæðradagur og er þar af leiðandi tilvalið að gefa okkur stund fyrir þær sem fæddu okkur, ólu upp eða jafnvel bæði; þær sem standa okkur næst og helst til þær sem enn eru enn á meðal vor – því ekki er það sjálfgefið.
Þetta er það sem þú getur gert á mæðradaginn. Endilega kryddum þessa þætti með stigagjöfum.
Kemur þú múttunni á óvart, með blómvendi, boði út að borða, uppáhalds namminu eða bara einhverju óvenjulegu sem þú settir saman í Photoshop, þá ertu sett og í fínum málum.
Ef heilinn er eitthvað tómur eru hér hugmyndir að sniðugum mæðradagsgjöfum.
Kannski geturðu bara mætt í spjall, sopa eða komið með kleinur. Jafnvel betra, kannski verða kleinur á borðinu þegar þú kemur.
Ef móðir góð stundar Fésbókina má alltaf skora stig með því að skara fram úr afmælisskilaboðum tímalínunnar.
Einfalt, hugulsamt, en engar kleinur samt.
Það allra, allra minnsta sem má gera. Að frátöldu…
Þú getur betur, en lágmark er alltaf lágmark. Sérstök skammarverðlaun fara til þeirra sem senda einungis Facebook þumalinn í skilaboðum. Verra verður það ekki.
Hversu hátt skorar þú?