Jessica Nabongo, starfsmaður hjá Sameinuðu þjóðunum, er staðráðin í því að gerast brautryðjandi og vera fyrsta blökkukonan til þess að ferðast til allra landa heims. Hún gengur með tvö vegabréf og ævintýrið fjármagnar hún úr eigin vasa, en markmiðið er að skera sig úr hópnum og upplifa hvert land eins og innfædd.
„Ég hef gríðarlega þekkingu á heiminum. Ég ferðast með allt öðruvísi hætti en flestir ferðalangar“, segir Jessica í viðtali við CNN Travel, en þessi stóri draumur hennar snýst hins vegar ekki eingöngu um að fá nafn sitt skráð í metbækurnar, heldur vill Jessica meina að þetta hvetji fleiri konur til þess að gera það sama. Að svo stöddu eru rúmlega 150 manns sem staðfest er að hafi lagst í sambærilegan leiðangur, en meirihluti þeirra eru hvítir karlmenn með evrópsk vegabréf.
„Að ferðast ein um heiminn sem kona getur verið mjög erfitt“, bætir hún við. „Ég hef upplifað ýmislegt á ferðum mínum, eins og að vera kölluð vændiskona og hef ég lent í miklu áreiti“.
Þau lönd sem viðurkennd eru af Sameinuðu þjóðunum eru 193 að talsins. Að svo stöddu hefur Jessica ferðast til 109 þeirra og er markmiðið að vera á góðri leið með að klára markmiðið fyrir lok þessa árs.
Fylgjast má með ferðalagi Jessicu á Instagram-síðunni hennar.
