Íris Tanja Ívarsdóttir Flygenring leikkona og móðir ásamt fleiri nýbökuðum mæðrum og feðrum hafa sent frá sér áskorun til stjórnvalda.

„Við erum óttaslegin og áhyggjufull um framtíð barna okkar vegna aðgerðaleysis stjórnvalda gagnvart kjarabaráttu ljósmæðra. Við lýsum yfir fullum stuðningi við ljósmæður og förum fram á að samið verði við þær strax. Margar eigum við líf okkar og barna, okkar ljósmæðrum að þakka og teljum augljóst að starf þeirra, menntun, reynsla og álag sé ekki réttilega metið til launa,“ segir í áskorun þeirra.

Vanvirðing stjórnvalda fyrir starfi ljósmæðra

„Aðgerðaleysi stjórnvalda í lengri tíma er með öllu óásættanlegt og verður ekki skilið öðruvísi en sem vanvirðing fyrir starfi ljósmæðra sem og börnunum sem von er á í heiminn. Flótti úr stéttinni, skortur á heimaþjónustu fyrir hvítvoðunga og sængurkonur, ótti og kvíði verðandi foreldra er nú á ábyrgð stjórnvalda.“

Íris, ásamt fleirum skora á stjórnvöld að leggja fram ásættanlegt samningstilboð strax.

„Katrín Jakobsdóttir, Bjarni Benediktsson og Svandís Svavarsdóttir, sýnið ljósmæðrum virðingu í verki og semjið við þær, það er svo mikið í húfi.“

Hvetja þau nýbakaða og verðandi foreldra til þess að taka þátt í áskoruninni með því að deila myndum af sér með myllumerkinu #égstyðljósmæður skrifað á magann ásamt áskoruninni í heild sinni:

Áskorun til stjórnvalda frá verðandi og nýbökuðum mæðrum og feðrum:

Við erum óttaslegin og áhyggjufull um framtíð barna okkar vegna aðgerðaleysis stjórnvalda gagnvart kjarabaráttu ljósmæðra. Við lýsum yfir fullum stuðningi við ljósmæður og förum fram á að samið verði við þær strax. Margar eigum við líf okkar og barna, okkar ljósmæðrum að þakka og teljum augljóst að starf þeirra, menntun, reynsla og álag sé ekki réttilega metið til launa.

Aðgerðaleysi stjórnvalda í lengri tíma er með öllu óásættanlegt og verður ekki skilið öðruvísi en sem vanvirðing fyrir starfi ljósmæðra sem og börnunum sem von er á í heiminn.

Flótti úr stéttinni, skortur á heimaþjónustu fyrir hvítvoðunga og sængurkonur, ótti og kvíði verðandi foreldra er nú á ábyrgð stjórnvalda.

Við skorum á stjórnvöld að leggja fram ásættanlegt samningstilboð strax. Katrín Jakobsdóttir, Bjarni Benediktsson og Svandís Svavarsdóttir, sýnið ljósmæðrum virðingu í verki og semjið við þær, það er svo mikið í húfi.

Kæru nýbökuðu og verðandi foreldrar takið þátt og deilið myndum af ykkur með myllumerkinu #égstyðljósmæður skrifað á magann og deilið þessari áskorun með!

Hér fyrir neðan er hægt að nálgast undirskriftarlista til stuðnings ljósmæðra:

Stuðningsyfirlýsing við kjarabaráttu ljósmæðra