Margir foreldrar hafa nýtt sér þjónustu YouTube Kids frá því það opnaði árið 2015. Það urðu þó margir varir við það að síðan átti við vandamál að stríða er varðaði síu á efni sem komst í gegn.

Síðan var upphaflega hugsuð um fræðslu og skemmtiefni sem hentaði ungum börnum en fljótlega fóru foreldrar að taka eftir því að óviðeigandi efni fór að birtast og voru því margir foreldrar sem hættu að nýta sér þjónustu þeirra.

Vegna þessara bresta í síunni ákvað YouTube Kids að breyta forritinu í þeirri von um að vinna traust foreldra aftur og gera síðuna að öruggum stað fyrir ung börn.

Hver og ein fjölskylda er einstök

„Við hjá YouTube Kids trúum því að hver og ein fjölskylda sé einstök svo við höfum unnið hart að því að byggja persónulegt svæði fyrir alla,“ segir James Beser, varaforstjóri YouTube Kids á síðu Popsugar.

„Krakkar elska myndböndin sem mælt er með að horfa á og foreldrar hafa greint okkur frá því að þeir vilji geta gert forritið enn þá persónulegra heldur en það er nú þegar. Við munum því vinna á því allt þetta ár að gera síðuna öflugri og gera sterkari grunn fyrir foreldra til þess að sérsníða síðuna fyrir sitt barn.“

Nú þegar hefur YouTube Kids gefið út þrjár breytingar sem gerðar verða á forritinu:

1. Foreldrar munu geta valið hvaða stöðvar á YouTube Kids eru öruggar og hverjar ekki.
2. Foreldrar munu einnig geta handvalið hvaða myndbönd og hvaða rásir þau vilja að séu opin fyrir barnið sitt.
3. Þrátt fyrir að alltaf hafi verið hægt að loka fyrir leitina á YouTube Kids þá verður leitin nú höfð þannig að ekki er hægt að finna myndbönd sem ekki eru leyfð á Yutube Kids rásunum.

Þeir foreldrar sem enn vilja leyfa börnunum sínum að horfa á YouTube Kids eins og forritið er í dag þurfa þó ekki að hafa áhyggjur því það verður enn þá valmöguleiki.