Leikkonan Charlize Theron bætti á sig um 23 kílóum fyrir nýjasta hlutverk sitt í bíómyndinni Tully. Theron hefur nú viðurkennt að þyngdaraukningin hafði slæm áhrif á skap hennar og andlega heilsu.
Í bíómyndinni leikur Theron þriggja barna móðurina Marlo og í staðin fyrir að klæðast sérstökum fitubúning sem átti að láta Theron líta út fyrir að vera nýbúin að eiga þá ákvað hún sjálf að þyngja sig.
Samkvæmt Popsugar notað Theron sérstaklega kartöfluflögur til þess að þyngja sig og sagði hún í viðtali við Ellen DeGeneres á dögunum að kartöfluflögur hefðu umlukið líf hennar.
„Ég var með poka í bílum mínum, á klósettinu, í eldhúsinu, á sófanum og í hjólhýsinu mínu,“ sagði Theron sem viðurkenndi að hún átti ekki von á þeirri andlegu vanlíðan sem hún upplifði í kjölfarið.
„Það erfiðasta var að ég var ekki undirbúin undir það hversu mikið unninn matvara átti eftir að hafa áhrif á skapið mitt. Ég upplifði þunglyndi í fyrsta skiptið. Það sem oft er sagt að þú ert það sem þú borðar, það er sko satt. Ég borðaði eins og manneskja sem hreyfir sig aldrei og mér leið þannig.“
Theron viðurkennir einnig að hún hafi alltaf verið þreytt og það hafi verið erfitt fyrir hana að ná sér úr þeim gír þar sem það hafi verið meira andleg þreyta heldur en líkamleg.
Fyrir neðan má sjá brot úr myndinni sem Theron þyngdi sig fyrir:
