Nýjasta æðið mitt í eldhúsinu er að gera mitt eigið guacamole.
Þetta er ekki bara ferskt & gott, heldur er þetta gott með svo rosalega mörgu. Þetta er æðislegt með nachos flögum, ofan á tortilluna eða með rísköku.
Ég veit að ég er ekkert að finna upp hjólið, en ég ætla að deila með ykkur uppskriftinni minni sem sló algjörlega í gegn á snappinu mínu um daginn.
GUACAMOLE
2 Avocado
1 box Piccolo tómatar
1/3 rauðlaukur
1 hvítlauksrif
2-4 msk grísk jógúrt
Dass af sítrónusafa eða lime safa (fer eftir því hvort ég á til í ísskápnum hverju sinni)
Oggulítið af salti & pipar
AÐFERÐ
Mauka avocadoið og saxa og blanda saman rest og VOILÁ!
Svo er leyni – innihaldsefnið sett út í að lokum til þess að halda salatinu/ífdýfunni grænni á meðan hún stendur á borðinu… að setja steinninn úr avocadoinu út í skálina!
Þið finnið mig á Snapchat & Instagram undir notendanafninu: thoreygunnars
Færslan birtist upphaflega á Fagurkerar.is