Amanda Cortes, bloggari hjá öskubuska.is, hefur gaman af því að prófa sig áfram í bakstri. Amanda er vegan og er dugleg að deila uppskriftum sínum með fólki, bæði á blogginu og Snapchat.
– 2 bollar (250 g) hveiti
– 1 bolli (200 g) hrásykur
– 1 tsk. matarsódi
– ½ tsk. salt
– ½ tsk. kanill
– 3 msk. instant kaffi
– 2 msk. heitt vatn
– 1 bolli (240 ml) möndlumjólk eða önnur plöntumjólk
– 1/3 bolli ólífuolía
– 1 msk. eplaedik
– 1 höregg (möluð hörfræ+vatn)
– 3 bollar (375 g) flórsykur
– 1/3 bolli (75 g) vegan-smjör
– 1 msk. instant-kaffi
– 2 msk. möndlumjólk
– 1 tsk. vanillu-extrakt
Ofninn er forhitaður í 180 °C og bollakökuformum raðað í bakka. Hveiti, sykri, matarsóda, salti og kanil er hrært saman í skál. Instant-kaffi er hrært út í heitt vatn þar til það verður þykkt og möndlumjólk þá blandað við.
Kaffiblöndunni er þá bætt út í skálina ásamt vanillu, ólífuolíu og eplaediki. Höregg er útbúið með því að blanda 1 msk. af möluðum hörfræjum við 3 msk. af heitu vatni og látið standa í smá stund svo blandan þykkni.
Hrærið deigið saman við höreggið og hellið jafnt í 12 bollakökuform. Bakið í 25 mínútur eða notið tannstöngul til að kanna hvort þær séu bakaðar (ef hann kemur upp hreinn úr miðju deigsins eru þær tilbúnar.)
Blandið instant-kaffi við möndlumjólk og vanillu, hrærið svo saman við smjör og flórsykur í hrærivél. Hrærið rólega í fyrstu og aukið svo hraðann þar til silkimjúkri áferð er náð. Bætið við smávegis möndlumjólk ef þykktin er of mikil, eða flórsykri ef áferðin er of þunn.
Skreytið bollakökurnar með kreminu og sáldrið smávegis kanil yfir.
Samfélagsmiðlar Amöndu:
Snapchat: polepanda
Instagram: amandasophy
