Leikarahjónin Rachel Weisz og Daniel Craig eiga von á barni saman og er erfinginn væntanlegur í heiminn fljótlega. Weisz, sem er orðin 48 ára, og Craig, sem varð fimmtugur í mars síðastliðnum, sýna að aldur er ekki endilega fyrirstaða þegar kemur að barneignum.
Weisz á fyrir ellefu ára son, Henry, með Hollywood-leikstjóranum Darren Aronofsky. Rachel og Darren voru saman á árunum 2001 til 2010 en eftir að upp úr því sambandi byrjuðu Rachel og Daniel að stinga saman nefjum. Þau gengu þau í hjónaband 2011.
Daniel á fyrir 25 ára dóttur, Ellu, sem hann eignaðist með leikkonunni Fiona Loudon.
Rachel staðfesti í samtali við New York Times að þau ættu von á strák eða stúlku á næstu mánuðum. Ekki liggur fyrir hvenær hún er sett. „Við erum svo ánægð með þetta og getum ekki beðið eftir að hitta hann eða hana,“ sagði hún.