fbpx
Fimmtudagur 17.janúar 2019
Bleikt

Sonur Kristjönu Rúnu var ítrekað ranglega greindur: „Hann varð eftir á í tali og tjáði sig bjagað“

Amare
Fimmtudaginn 27. desember 2018 09:30

Eyrnabólga hjá ungum börnum hefur verið mikið í umræðunni undanfarna daga, þetta er erfitt ástand sem margir foreldrar þurfa að glíma við og börnin upplifa mikin sársauka og vanlíðan vegna þess.

Frumburðurinn var sennilega kominn með eyrnabólgu um 3 mánaða, í ungbarna skoðunum var sagt að það væri roði í eyrum en ekkert þyrfti að gera í, þetta færi.

Á þessum tíma vissi ég ekki að best væri að fara til eyrnalæknis og af hverju þeir eru betri í að sjá eyrnabólgu hjá börnum en venjulegir heimilislæknar.

Ég fékk þó að heyra að ástæðan fyrir þessu er að þau eru ekki með nógu góð tæki til að greina með.

Ég er orðin heldur sjóuð í þessum málum eigandi tvö eyrnabólgu börn, yngri slapp betur þar sem ég vissi hvert ég ætti að leita og hvaða hjálp var í boði.

En aftur að eldri syninum sem er nú orðin 6 ára og er röra laus í dag.

Svefninn var alltaf í ólagi

Hann svaf mjög ílla fyrstu tvö árin, einn og einn dagur sem hann náði að sofa í heila nótt, þetta tók auðvitað sinn toll af okkur foreldrum og honum sjálfum.

Þegar hann er að nálgast tveggja ára þá erum við búin að fá einn sýklalyfja skammt fyrir hann en samt með endurteknar eyrnabólgur sem mörgum læknum yfirsást og okkur bent á frá vinum að panta tíma hjá háls, nef og eyrnalækni í Glæsibæ.

Hann kemst fljótt að og stuttu eftir fer hann í sína fyrstu svæfingu og rör.

Á myndinni liggur hann í kerrunni sinni alveg inn pakkaður og ég búin að rugga honum lengi til að fá hann til að sofna. Margar nætur voru svona.

Mistökin við að senda okkur ekki til sérfræðings hafði slæmar afleiðingar

Það sem þessi hæga gangur í greiningum gerði syni mínum var að hann var nánast heyrnalaus á meðan þessu stóð, hann ,,talaði” mjög hátt og hafði gert frá því að hann byrjaði að búa til hjóð bara nokkurra mánaða gamall.

Hann var eftir á í tali, tjáði sig bjagað og það skildi hann engin nema ein kona á leikskólanum og við foreldrarnir stundum, þetta hljómaði allt eins og kínverska í eyrum annarra.

Það auðvitað segir sig sjálft að barn sem heyrir lítið er ekki að fara læra ný orð, líður illa þegar fólkið í kringum hann skilur hann ekki, það brýst fram í pirringi og vanlíðan, aðrir krakkar vilja ekki endilega leika við annað barn sem er með mikinn hávaða og sem það skilur ekkert í.

Þetta voru áhyggjurnar mínar á þessu tíma, og hver framtíð hans yrði ef ástandið lagaðist ekki, hvernig skólagangan yrði.

Hann fékk hita nokkrum sinnum í mánuði þegar ástandið var sem verst.

Heppnin lá í að Óliver gafst aldrei upp við að reyna að tjá sig

Strákurinn hefur alltaf tjáð sig meira en venjulegur krakki og ég sé að það hefur hjálpað honum að komast upp úr þessu hratt og örugglega, hann er mjög félagslyndur og glatt barn.

Þrátt fyrir mikla verki sem fylgir eyrnabólgunum þá var stutt í brosið, get ekki annað en horft stórum augum á þennan sterka og duglega strák.

Stundum þarf meira en eina svæfingu

Hann fór í nokkrar svæfingar, rörin áttu það til að detta úr og ekkert annað í stöðunni en að setja þau aftur í.

Hann fékk samt eyrnabólgur eftir ísetningu, en þá lak vökvinn úr eyranu en sat ekki fastur.

Rörin geta stíflast og þá fengum við dropa sem virkuðu vel.

Boltinn fór svo að rúlla þegar hálskirtlarnir voru teknir í apríl 2015 ,undir lokin vildi hann ekki fasta fæðu, ég heyrði það à röddinni að hún hljómaði ekki rétt, hann talaði eins og hann væri með loftkúlu fasta í hálsinum, læknirinn hafði orð à því að það var pínulítið gatið í hálsinum,  kirtlarnir voru alltof stórir, þá var eins og skrúfað var fyrir krana og flóð af nýjum orðum komu.

Talþjálfun

Leikskólinn hans var okkur innan handar og benti okkur á að talþjálfun væri mjög góð fyrir hann, það var talsverð bið í það og því betra að setja börnin á lista snemma þegar upp kemur um erfiðleika í tali og framburði.

Það hjálpaði honum mikið að fara í talþjálfun, hann hafði líka svo gaman af því, þar er allt lært í gegnum leik.

Þakklæti

Til allra sem bentu mér í rétta átt, til Sigríði Sveins eyrnalæknis sem hefur hugsað um báða strákana mína.

Óliver Logi er sigurvegarinn í þessu, hann er orðinn fluglæs, kann margföldun, plús og mínus, ef áhuginn hans væri ekki svona sterkur væri hann ekki komin svona langt og það er ekki hægt að heyra að bara fyrir tveimur árum var ástandið öðruvísi.

Ég gæti skrifað mikið meira um þetta, en mitt ráð til ykkar sem grunar að barnið ykkar er með eitthvað í eyrunum að panta strax tíma hjá háls, nef og eyrnalækni til að sjá um þessi mál, engan annann.

Færslan er skrifuð af Kristjönu Rúnu og birtist upphaflega á Amare.is

Amare
Amare.is er mæðra og lífstílsblogg sem haldið er úti af: Bryndísi Steinunni, Fjólu, Guðlaugu Sif, Jóhönnu Maríu, Kristbjörgu Ástu, Katrínu Ósk, og Kristjönu Rúnu. Við erum allar mjög ólíkar og deilum meðal annars fjölbreyttum frásögnum, uppskriftum, DIY verkefnum og fleira. Hægt er að fylgjast með okkur á facebook, snapchat og instagram undir Amare.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Í gær

Voffi biður íslenska foreldra um hjálp

Voffi biður íslenska foreldra um hjálp
Bleikt
Fyrir 2 dögum

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“
Bleikt
Fyrir 3 dögum

„Ég hata tíkina Agnesi“ – Vika í ræktinni breyttist í skelfilega martröð

„Ég hata tíkina Agnesi“ – Vika í ræktinni breyttist í skelfilega martröð
Bleikt
Fyrir 4 dögum

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“
Bleikt
Fyrir 6 dögum

10 merki þess að þú sért of gamall til að fara á skemmtistaði

10 merki þess að þú sért of gamall til að fara á skemmtistaði
Bleikt
Fyrir 1 viku

Lögregluþjónn stöðvaði konu fyrir hraðakstur: Hún kom með besta svarið

Lögregluþjónn stöðvaði konu fyrir hraðakstur: Hún kom með besta svarið