Lífstílsbloggari sem búsett er í Manchester deildi á dögunum húsráði sem vatt heldur betur upp á sig. Þegar Clare deildi húsráðinu gerði hún ekki ráð fyrir því að ráðið myndi flakka út um allan heim og hvað þá að fréttaveitur myndu hafa samband við hana vegna þess.
Húsráðið er einfalt en skilvirkt. Það sem Clare gerði var að tæma vatnskútinn í ísskápnum sínum, opna flösku af uppáhalds hvítvíninu sínu og hella ofan í kútinn. Þá gat hún fengið sér kalt hvítvínsglas beint úr ísskápnum.
Eins og áður sagði gerði Clare ekki ráð fyrir því að ráðið færi á svo mikla dreifingu né hversu mikil viðbrögð frá fólki hún myndi fá en samkvæmt Diply hefur skilaboðunum rignt yfir Clare undanfarna daga. Fólk þakkar henni fyrir besta húsráð sögunnar og segist óska þess að þegar það verði fullorðið verði það eins og hún.