Mynd dagsins hefur vakið mikla athygli á Facebook, Twitter og Instagram og það er ekki af ástæðulausu. Við fyrstu sín virðist um ósköp saklausa mynd að ræða. Ung kona situr uppá borði að kvöldi til úti á svölum og horfir í linsuna. Myndina má sjá í fullri stærð neðst í umfjöllun Bleikt.
Myndin hefur verið birt á fjölda miðla og skorað á lesendur að skoða myndina gaumgæfilega. Á Daily mail hefur myndin vakið hvað mesta athygli. En fyrir þá sem hafa ekki áttað sig á af hverju myndin hafi náð flugi á samskiptamiðlum má benda lesendum á að horfa í átt að glugganum að baki hinnar ungu konu. Þar má sjá par í ástaratlotum.
Nú er tekist á um í hinum ýmsu kommentakerfum hvort að um raunverulega mynd sé að ræða. Þá hvort þarna sé par að stunda kynlíf eða átt hafi verið við myndina í myndvinnsluforriti. Hver sem nú niðurstaðan er þá hefur þessi umdeilda mynd farið víða um internetið.
Hver er niðurstaða lesenda Bleikt? Raunveruleg mynd eða átt hafi verið við hana í photoshop eða öðrum sambærilegum forritum?
