Það eru ótal margar vefverslanir á netinu og auðvitað jafnmismunandi og þær eru margar. Systurnar Rakel og Guðrún Jóhannesdætur opnuðu nýlega glæsilega netverslun undir nafninu Búðin Decor. „Við seljum afar vandaðar vörur fyrir heimilið og leggjum sérstaklega upp með að heimasíðan sé falleg og notaleg og að það sé gott að versla hjá okkur,“ segir Rakel.

Sófaborð sem rjúka út

Viðtökurnar við nýju sófaborðunum hjá Búðinni Decor hafa verið með ólíkindum. „Við byrjuðum fyrir stuttu að flytja inn falleg og stílhrein Present Time sófaborð og seldust þau það hratt upp að panta þurfti undir eins meira. Við erum að fá nýja sendingu á þessum stórskemmtilegu sófaborðum á næstu dögum og er undir eins kominn biðlisti . Ástæðan fyrir vinsældunum er líklegast sú hve borðin eru stílhrein og einföld. Þau sóma sér vel í hvaða umhverfi sem er og eru alger djásn inni á hverju heimili. Svo skemmir ekki fyrir hvað þau eru á ótrúlega hagstæðu verði,“ segir Rakel.

Hlýlegt fjölskyldufyrirtæki

Búðin Decor er lítið fjölskyldufyrirtæki rekið af systrunum Rakel og Guðrún. „Mennirnir okkar eru líka duglegir að hjálpa til þegar þess þarf og ekki má gleyma mömmu og pabba sem eru ómetanleg. Við opnuðum búðina fyrir stuttu og höfum verið að standa í rekstrinum með sitthvort ungabarnið á handleggnum og tvær þriggja ára að skottast í kring.

Við flytjum allt inn sjálfar og leggjum mikið upp úr því að velja fallegar og vandaðar vörur. Meðal þess sem fæst hjá okkur eru smærri húsgögn eins og sófaborð og hillur. Einnig erum við með eldhúsáhöld eins og ostarifjárn, brauðbox og marmarabretti. Að auki fást smávörur eins og vasar og kertastjakar. Ennfremur reynum við að vera með hagstæð og sanngjörn verð, sem er mögulegt í ljósi þess að Búðin Decor er fyrst og fremst vefverslun“ segir Rakel.

„Pop-up“ markaður

Þann 20. desember gefst svo tækifæri til þess að skoða þessar fallegu vörur með eigin augum, sem Búðin Decor býður upp á í vefversluninni. „Þá verður stór og skemmtilegur „Pop-up“ markaður á Garðatorgi í miðbæ Garðabæjar. Við ætlum að mæta með flott úrval  af vörunum okkar sem hægt verður að skoða og kaupa á staðnum. .

Kíkt‘í búðina

„Við systurnar erum frá Patreksfirði þar sem lengi vel var bara eina búð að finna. Þegar maður skaust í „búðina“ þá var ekkert vafamál hvert maður var að fara. Með því að opna vefverslun með vörunum okkar fannst okkur eins og við værum að stíga skref inn í framtíðina, en vildum þó alls ekki missa tenginguna við hlýlegu búðina úti á landi. Okkur fannst því ekki annað koma til greina en að verslunin okkar héti Búðin Decor og hvetjum alla til þess að kíkja í búðina okkar,“ segir Rakel.

Hægt er að skoða allar vörur Búðarinnar Decor á budindecor.is
Skoðaðu á Facebook
Skoðaðu á Instagram