Modern Family leikkonan Sarah Hyland hefur þurft að undirgangast nýrnaígræðslu tvisvar sinnum á lífsleiðinni vegna fæðingargalla. Í fyrra skiptið fékk hún nýra frá föður sínum sem líkami hennar hafnaði og í seinna skiptið frá yngri bróður sínum. Hún fann fyrir mikilli skömm yfir að líkami hennar hefði hafnað nýra föður hennar og óttaðist að hið sama myndi henda aftur þegar hún fékk nýra frá bróður sínum.

Leikkonan Sarah Hyland, sem er hvað þekktust fyrir  hlutverk sitt sem Haley Dunphy í þáttunum Modern Family, hefur átt í heilsuerfiðleikum allt sitt líf. Annað nýru hennar náðu aldrei að þroskast fullkomlega í móðurkvið og vegna þess hefur hún þurft að undirgangast fjölda aðgerða og meðferða en hún hefur meðal annars farið í nýrnaígræðslur. Ekki einu sinni heldur tvisvar.

Sarah segir frá heilsufarsvandræðum sínum í viðtali við tímaritið Self og segir frá áfallinu sem hún varð fyrir þegar líkami hennar hafnaði fyrra nýranu, sem hún hafði fengið frá föður sínum. Hún fór í fyrri nýrnaígræðsluna árið 2012. Fjölskyldumeðlimir eru oft fullkomnir kandídatar til að verða líffæragjafar og faðir hennar ákvað því að gefa Söruh annað nýrað sitt. Allt gekk vel til að byrja með þar til líkami Söruh hafnaði nýranu nokkrum árum seinna.

„Þegar fjölskyldu meðlimur gefur þér lífsgjöf og það misferst, þá finnst manni svolítið að það sé manni sjálfum að henna. Það er það alls ekki. En manni finnst það.“

Hyland gekkst undir fjölda prófana og meðferðar í þeirri viðleitni að bjarga nýranu en allt kom fyrir ekki og söðu læknarnir henni að lokum að nýrað sem líkami hennar hafði hafnað væri eins og hús sem stæði í ljósum logum og það er ómögulegt að afbrenna hús. Sarah þurfti þá að eyða fjórum tímum, þrisvar sinnum í viku í blóðskilun og fljótlega var gamla nýrað tekið og því skipt út fyrir nýra úr yngri bróður hennar.

„Á þeim tíma var ég mjög þunglynd,“ segir Hyland. „Í langan tíma íhugaði ég sjálfsmorð því ég vildi ekki bregðast litla bróður mínum eins og hafði brugðist föður mínum […] Ég hef gengið í gegnum allt mitt líf sem byrgði á öðrum, sem manneskja sem þarf stöðugt að fylgjast með og hugsa um“

Eftir að viðtalið kom út segði Sarah Hyland í færslu á Instagram að hún voni að aðrir geti tengt við aðstæður hennar og það gefi þeim styrk.  Vonandi geti einnig þeir, sem eru það heppnir að hafa aldrei þurft að ganga í gegnum svona lífsreynslur, lært eitthvað nýtt og verið þakklátir fyrir heilsuna sína.

https://www.instagram.com/p/BrOJBpKF5jO/?utm_source=ig_web_copy_link