Lok árs nálgast óðfluga og þá er venja að líta yfir farinn veg. Þó margt gott hafi gerst á árinu var eitthvað um það að ástin dvínaði í stjörnuheimum. Stundum liggja leiðir fólks ekki lengur saman og slokknar í ástarbálinu. Hér eru nokkuð dæmi um það.
Leikarahjónin voru gift í rúmlega tuttugu ár en í nóvember síðastliðnum voru þau komin á endastöð. Robert og Grace kynntust árið 1987 þegar leikkonan vann á veitingastaðnum Mr. Chow í London. Þau gengu í það heilaga árið 1997 og eiga tvö börn saman, þau Elliot og Helen. Robert og Grace hættu saman árið 1999 en náðu síðan sáttum og endurnýjuðu heitin árið 2010.
Um miðjan nóvember fréttist það að hótelerfinginn Paris Hilton og leikarinn og fyrirsætan Chris Zylka væru búin að slíta trúlofun sinni. Þau gerðu samband sitt opinbert í febrúar í fyrra og í janúar á þessu ári trúlofuðu þau sig. Nú er ástarsagan hins vegar öll.
21 árs hjónaband körfuboltastjörnunnar Scottie og raunveruleikastjörnunnar Lörsu fór í vaskinn í byrjun nóvember. Þau eiga fjögur börn saman, þau Scotty Jr., Preston, Justin og Sophia. Ástarloginn var í raun löngu slokknaður því Scottie sótti um skilnað í október árið 2016 en fékk ekki sínu framgengt á þeim tíma.
Blaðafulltrúi tónlistarmannsins staðfesti að samband hans við söngkonuna, sem hafði varað í ellefu ár með hléum, væri lokið í október á þessu ári. Þá höfðu þau ekki átt rómantíska stund saman svo mánuðum skipti og Sean hafði sést skemmta sér með fyrirsætunni Jocelyn Chew.
Söngkonan og Saturday Night Live-stjarnan slitu trúlofun sinni um miðjan október, en þau trúlofuðu sig í júní eftir nokkrar vikur af tilhugalífi.
Það fékkst staðfest í ágúst að leikarinn Ben Affleck og framleiðandinn Lindsay Shookus væru hætt saman eftir rúmlega árs samband. Rétt áður en fréttirnar um sambandsslitin voru sagðar sást Ben með Playboy-fyrirsætunni Shauna Sexton sem er 26 árum yngri en hann.
Þau hættu hins vegar saman í byrjun október eftir tæplega tveggja ára samband. Þess má geta að Ben var enn kvæntur leikkonunni Jennifer Garner á pappírum allan þennan tíma, en hún vildi ekki skilja við hann fyrr en hann færi í áfengismeðferð, sem hann svo gerði fyrir stuttu.
Limp Bizkit-söngvarinn sótti um skilnað við eiginkonu sína til sex ára í september síðastliðnum.
Raunveruleikastjarnan og fyrirsætan voru búin að vera saman í tæplega tvö ár þegar að ballið var búið. Sambandsslitin voru staðfest í ágúst og í sama mánuði sást Younes, sem er þrettán árum yngri en Kourtney, með annarri konu í Mexíkó.
Þessi tvö voru saman í sex ár en í júlí staðfesti Bella að þau væru endanlega hætt saman eftir að þau slitu trúlofun sinni þremur og hálfum mánuði áður.
Tónlistarmennirnir tveir ákváðu að fara í sitthvora áttina í sumar eftir rúmlega tveggja ára samband. Þau eignuðust soninn Bear í mars í fyrra og báðu fjölmiðla að virða einkalíf hans á meðan á sambandsslitunum stóð.
Harry Potter-stjarnan Emma Watson og Glee-sjarmörinn Chord Overstreet hættu saman í vor eftir fjögurra mánaða samband.
Reza sótti um skilnað við leikkonuna í maí eftir sautján ára hjónaband og þrjú börn.
Fyrrverandi Playboy-kanínan Kendra Wilkinson tilkynnti það á Instagram að hún og fyrrverandi NFL-leikmaðurinn Hank Baskett væru hætt saman eftir níu ára hjónaband. Þau eiga saman tvö börn, Hank IV og Alijah, en Kendra og Hank gengu í gegnum þykkt og þunnt saman, til dæmis það fjölmiðlafár sem varð þegar að upp komst að Hank hélt framhjá Kendru árið 2015.
Þessi hjónaskilnaður kom mörgum í opna skjöldu en leikaraparið tilkynnti þetta í apríl. Channing og Jenna kynntust við tökur á kvikmyndinni Step Up árið 2006 og giftu sig þremur árum síðar. Þau eiga saman eina dóttur, Everly, sem er fjögurra ára.
This Is Us-stjarnan Chrissy Metz tilkynnti það í lok mars að hún og tökumaðurinn Josh Stancil væru hætt saman. Parið kynntist við tökur á This is Us og eru enn vinir þrátt fyrir að ástarloginn hafi slokknað.
Fyrirsætan og athafnamaðurinn voru búin að vera trúlofuð í áratug þegar þau tilkynntu að þau væru hætt saman í vor. Þau eiga tvö börn saman, Önju, níu ára og Noah, fimm ára.
Eftir tólf ára hjónaband var komið að leiðarlokum hjá Donald Trump Jr. og Vanessu. Þau gengu í það heilaga heima hjá föður Donalds, sjálfum Bandaríkjaforseta, árið 2005 og eiga fimm börn saman. Hefur því verið haldið fram að brestir í hjónabandinu hafi látið á sér kræla þegar að kosningabarátta föður Donalds hófst.
Leikkonan Alicia Silverstone og Christopher Jarecki skildu í febrúar eftir tuttugu ára hjónaband. Þau eru enn nánir vinir og ala son sinn upp saman.
Skilnaðurinn sem skók heiminn var án efa þegar að Jennifer Aniston og Justin Theroux sögðu frá skilnaði sínum um miðjan febrúar. Þau voru gift í rúmlega tvö ár.
Rappararnir knáu hættu saman eftir sjö mánaða samband í byrjun janúar. Þau eru enn góðir vinir.
