Pete Davidson, gamanleikari og fyrrverandi unnusti söngkonunnar Ariana Grande, hefur ekki átt sjö daganna sæla. Hann segir frá því á Instagram síðu sinni að hann hafi orðið fyrir grófu neteinelti síðustu mánuði og meðal annars verið hvattur til að fyrirfara sér.
Davidson er greindur með Jaðarpersónuleikaröskun (e. borderline personality disorder) og var greiningin honum mikið áfall. Honum fannst ákaflega erfitt að takast á við lífið eftir greininguna og fann fyrir miklu þunglyndi. Hann hefur talað opinberlega um þessa baráttu sína, greininguna og sjálfsvígshugsanirnar sem sóttu að honum. Vonaði hann að með því að opna umræðuna gæti það hjálpað öðrum aðilum í hans stöðu „sem vilja ekki vera til í þessum heimi“ .
Á Instagram síðu ssinni reynir hann að svara hatrinu með jákvæðni og segir „Sama hversu mikið Internetið og aðrir reyna að sannfæra mig um að fyrirfara mér þá mun ég ekki gera það. Mér finnst hræðilegt að þurfa einu sinni að taka þetta fram. Nú þegar ég sé hlutina í réttu ljósi vil ég segja til allra þeirra sem hafa reynt að halda aftur að mér – Ég sé ykkur og ég elska ykkur.“
Þessa daganna er Davidson að taka sín fyrstu skref á stefnumótamarkaðnum eftir sambandsslitin við Ariönu Grande. Er hann að sögn að fara sér hægt og einbeitir sér fyrst og fremst að sjálfsræktinni.
https://www.instagram.com/p/Bq7wFi9gjOH/?utm_source=ig_web_copy_link
