Þegar Árný Hlín Sigurðardóttir kynntist strák í gegnum sameiginlegan vin árið 2015 áttaði hún sig ekki á því hvað þessi strákur átti eftir að hafa mikil áhrif á líf hennar.

Árný var nýkomin heim frá bandaríkjunum þegar hún kynntist stráknum og höfðu þau eytt miklum tíma saman sem vinir þegar hann bauð henni loksins á stefnumót.

„Í ágúst býður hann mér á stefnumót. Mikið var ég spennt. Ég hafði mig til og málaði mig en þeir sem þekkja mig vita að það er mjög sjaldan sem ég geri það. Ég fór í fínni föt og var tilbúin til þess að fara út að borða,“ segir Árný í færslu sinni á síðunni Vynir.

Kvöldi gekk vel og boðuðu þau góðan mat saman. Eftir það ákváðu þau að fara heim til Árnýjar þar sem foreldrar hennar voru ekki heima.

„Um kvöldið sváfum við saman í fyrsta skiptið. Bæði samþykk og ekkert rugl. Um morguninn vaknaði ég við það að þú varst að putta mig. Hvernig dettur nokkurri manneskju í hug að putta sofandi stelpu! Ég var svo orðlaus og stjörf að ég gerði ekki neitt. Ég „leyfði“ honum að klára. Hefði ég átt að stoppa hann? Já. Hvernig? Ekki hugmynd. Þarna lá ég í mínu eigin rúmi með stráki sem ég hafði þekkt í nokkra mánuði og bjóst ekki við því að svona nokkuð myndi gerast fyrir mig. En það gerðist. Hélt hann síðan áfram og nauðgaði mér? Já.“

Vildi ekki fara í gegnum atvikið aftur og kærði því ekki

Um leið og tækifæri gafst til hringdi Árný í vinkonu sína sem kom fljótlega til hennar og á mánudeginum eftir hafði hún samband við Stígamót.

„Ég hafði samband við Stígamót til þess að aðstoða mig við það að vinna úr þessu. Tveimur vikum síðar fékk ég tíma hjá yndislegum manni sem hjálpaði mér mjög mikið við það að vinna úr tilfinninga hrærigrautnum sem ég var að upplifa. Alltaf ásakaði ég sjálfa mig að hafa ekki rekið hann heim. Ef ég hefði bara verið vakandi allan tímann, ef ég hefði, ef ég hefði, ef ég hefði. Svo mikið af ef ég hefði spurningum.“

Árný tók ákvörðun um að leggja ekki fram kæru þar sem hún vildi ekki þurfa að fara í gegnum atvikið aftur og aftur.

„Jafnvel til þess að uppskera ekkert. Hugsa ég ennþá til þessa manns? Já stundum. Ætlaði hann að nauðga mér? Ég hreinlega veit það ekki.“