fbpx
Þriðjudagur 11.desember 2018
Bleikt

Opnar sig um slysið – 87% líkamans varð fyrir þriðja stigs bruna

Ritstjórn Bleikt
Föstudaginn 30. nóvember 2018 14:00

Þrjátíu og sjö ára gömul fjögurra barna móður sem var ekki hugað líf eftir að hún lenti í alvarlegu mótorhjólaslysi ásamt bróður sínum hefur nú opnað sig um lífsreynsluna.

Heather Meadows var aðeins sjö ára gömul þegar hún lenti í mótorhjólaslysi með bróður sínum. Systkinin blinduðust af ryki sem fauk í augu þeirra og misstu þau stjórn á mótorhjólinu með þeim afleiðingum að þau keyrðu á vörubíl. Bróðir Heather lést í slysinu en Heather slasaðist alvarlega. Þurfti hún meðal annars að gangast undir opna hjartaaðgerð ásamt því að húð hennar hlaut mjög alvarlegan bruna. Læknarnir sem sinntu Heather sögðu foreldrum hennar að það væru 140% líkur á því að hún myndi ekki lifa af.

Nú þrjátíu árum síðar hefur Heather opnað sig um lífsreynsluna í nýrri bók sem hún gaf út. Samkvæmt DailyMail varð 87% af líkama Heather fyrir þriðja stigs bruna þegar vörubíllinn sem systkinin keyrðu á varð alelda.

Fann andlitið brenna

Aðdragandi slyssins var sá að systkinin voru að keyra fyrir aftan flutningsbílinn en mikið ryk og sandfok fór í augu þeirra. Hvorugt þeirra var með viðeigandi gleraugu og reyndi Jon, bróðir Heather að sveigja til hliðar til þess að forðast að fá rykið í augun.

„Jon og ég lentum fyrir aftan vörubíl, þetta var á skítugum sveitavegi og við vorum ekki með gleraugu. En við vorum að drífa okkur heim. Við stoppuðum ekki mótorhjólið til þess að bíða eftir að rykið hyrfi heldur héldum áfram að keyra. Jon hélt áfram að sveigja frá vinstri til hægri og ég veit að rykið hefur verið að stinga hann í augun þar sem það var að stinga mig í augun. Ég reyndi að skýla mér á bakvið hann.“

Í eitt skiptið sem Jon beygði lentu systkinin á vörubílnum og samstundis kveiknaði í.

„Bensínkúturinn losnaði af mótorhjólinu og það kviknaði brjálaður eldur. Ég var í logunum. Mig sveið ekki lengur í augun útaf rykinu heldur út af eldinum. Mér var svo heitt í framan.“

Systkinin Heather og Jon

Heather minnist þess að einhver hafi dregið hana frá slysstaðnum þar sem farið var með hana til aðhlynningar. Læknarnir sem tóku við henni greindu móður hennar frá því að það væru 140% líkur á því að hún myndi láta lífið.

„Þrátt fyrir það þá héldu þau í vonina. Mér var sagt að 87% af líkama mínum hefði hlotið þriðja stigs bruna. Þegar ég var sjö ára gömul, fannst mér virði mitt og fegurð hafa orðið eftir á sveitaveginum.“

Erfiðast að missa bróður sinn

Þrátt fyrir erfiðleikana sem Heather gekk í gegnum fannst henni erfiðast af öllu að komast að því að bróðir hennar hefði látið lífið.

„Við gerðum allt saman. Ég þekkti engar minningar án hans og allt í einu þegar ég var sjö ára gömul þurfti ég að takast á við það að hann væri ekki til staðar. Að eilífu.“

Heather dvaldi á spítalanum í þrjá mánuði og gekkst undir margar aðgerðir, meðal annars opna hjartaaðgerð og fjölda aðgerða á húð hennar. Læknarnir greindu Heather frá því að þeir teldu ólíklegt að hún gæti gengið aftur en Heather afsannaði þá kenningu. Í dag er Heather hamingjusamlega gift og á fjögur börn með eiginmanni sínum. Segir Heather að þrátt fyrir að leiðin að bata hafi verið erfið þá hafi hún lært mikið á sjálfa sig sem hafi sýnt henni hvaða manneskja hún er í raun og veru.

„Í hópi af fólki, standa einungis út þeir sem eru öðruvísi. Þeir sem eru frábrugðnir hinu eðlilega eru þeir sem fólk tekur eftir. Ég vissi að ég væri öðruvísi þegar fólk fór að stara á mig. Það er ekki eitthvað sem maður verður einhverntíman fullkomlega sáttur við en ég lifði af, ég er ekki fórnarlamb.“

Fólk mun alltaf stara

Heather ákvað að fá ljósmyndara til þess að taka fjölskyldumyndir og í leiðinni bað hún hann um að taka myndir af sér í bikiníi.

„Það er óþægilegt, það er vandræðalegt. Aldrei bjóst ég við því að ég myndi láta taka myndir af mér í bikiníi og deila því á samfélagsmiðlum. En mér leið eins og Guð hefði sagt við mig „Heather ég fel þér þetta verkefni.“ Fólk mun alltaf stara á mig. Sama hversu langur tími líður frá slysinu.“

Ritstjórn Bleikt
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 dögum

Ninna Karla: Kvíði er ósýnilegur – „Síðasti sólarhringurinn sést ekki á þessari mynd“

Ninna Karla: Kvíði er ósýnilegur – „Síðasti sólarhringurinn sést ekki á þessari mynd“
Bleikt
Fyrir 5 dögum

James Corden:-„Thank U, Jeff“

James Corden:-„Thank U, Jeff“
Bleikt
Fyrir 6 dögum

Lára fer nú til fræðings, ekki konu

Lára fer nú til fræðings, ekki konu
Bleikt
Fyrir 6 dögum

Afmynduð eftir hárlit: „Ég var með ljósaperuhaus“

Afmynduð eftir hárlit: „Ég var með ljósaperuhaus“
Bleikt
Fyrir 1 viku

Nettröll hvöttu Pete Davidson til að fyrirfara sér

Nettröll hvöttu Pete Davidson til að fyrirfara sér
Bleikt
Fyrir 1 viku

Tvíburasystur berjast fyrir lífi sínu – Áttu að grenna sig til að gera kinnbeinin sýnilegri

Tvíburasystur berjast fyrir lífi sínu – Áttu að grenna sig til að gera kinnbeinin sýnilegri