Eftir ferðalög innanlands síðasta sumar hafa eldfjöll verið Brimari Snæ, syni Lindu Björk Sumarliðadóttur verið sérstaklega hugleikinn. Linda tók sig því til og fann út úr því hvernig hún gæti gert skemmtileg tilraun með syni sínum.

„Okkur fannst tilvalið að skella í eldfjallatilraun þegar Brimar kom slappur heim af leikskólanum og var hann fljótur að jafna sig,“ segir Linda í færslu sinni á blogginu Brasari.

Það sem þarf í þessa tilraun er : Krukka, kanna, matarlitur, edik, matarsódi, vatn, pappi og límband.
„Setjið Matarsóda í krukku og blandið saman ediki og matarlit í könnuna, hellið svo blöndunni yfir í krukkuna og BAM! Eldgos! Til þess að gera tilraunina en skemmtilegri er gaman að klippa til blað og setja utan um krukkuna til þess að auka eldfjalla útlitið.“

Tilraunin vakti mikla lukku hjá syni Lindu og hafa þau endurtekið hana oft þegar vinir hans koma í heimsókn við góðar undirtektir. Það er því um að gera fyrir foreldra sem langar til þess að gera skemmtilega tilraun með börnunum sínum að prófa sjálf. Ásamt því að skrifa skemmtilegar færslur um ýmiskonar samverustundir með börnunum sínum þá heldur Linda líka úti reikning á Instagram undir notandanafninu: brasari_