Líkamsskynjunarröskun er geðsjúkdómur sem erfitt er fyrir aðra en þá sem þjást af honum að skilja. Þeir sem þjást af líkamsskynjunarröskun upplifa sjálfa sig öðruvísi heldur en þeir í raun og veru eru. Í raun er hægt að segja að það sem þeir sjá, er ekki það sem þeir sjá.
Ljósmyndarinn Meltem Isik vildi fanga útskýringu fólks á sjúkdómnum á myndir og fékk hann því til liðs við sig einstaklinga sem voru tilbúnir til þess að greina frá því hvernig þeir upplifðu líkama sinn. Á myndunum stendur fólkið nakið og heldur á mynd af því hvernig þau upplifa líkama sinn.
Líkamsskynjunarröskun (Body dysmorphia,BDD) er samkvæmt Metro, geðsjúkdómur sem hefur áhrif á það hvernig fólk sér líkama sinn. Einstaklingar sem þjást af líkamsskynjunarröskun eyða óeðlilega miklum tíma í það að hafa áhyggjur af göllum við útlit sitt. Oft „göllum“ sem aðrir sjá ekki. Þeir sem þjást af líkamsskynjunarröskun hafa oft miklar áhyggjur af ákveðnum stöðum á líkama sínum eða andliti, hvort sem þeim finnst hlutirnir ekki vera í réttum hlutföllum, of stórir eða of litlir, eða ekki eins báðum megin. Fólk á það til að geta ekki horft í spegla og forðast þá eins og þeir geta. Hafa þráhyggju fyrir því að bera útlit sitt saman við aðra. Kroppar í húð sína til þess að reyna að lagfæra „galla“. Gengur eins langt og það kemst upp með að fela útlit sitt. Upplifir kvíða og þunglyndi yfir útliti sínu. Einkenni þeirra sem þjást af líkamsskynjunarröskun eru oft sambærileg þeim sem þjást af áráttu- og þráhyggjuröskun. Í báðum tilfellum þjáist fólk af órökréttum áhyggjum og hvatvísri hegðun og rútínu.
