Hinsta ósk hinnar þrjátíu og þriggja ára gömlu Samönthu sem greindist með með mjög alvarlegt krabbamein í botnlanga í júní á þessu ári var að fá tækifæri til þess að giftast ástinni sinni. Sex dögum fyrir andlát hennar varð henni að ósk sinni þegar Alec, unnusti hennar hafði skipulagt brúðkaup þeirra á spítalanum.

Samantha sem starfaði sem kennari hafði alltaf lifað heilsusamlegu lífi þegar hún fór að finna fyrir verkjum í maganum. Fljótlega greindist hún með krabbamein í botnlanganum og eftir greiningu fékk hún staðfestingu á því að hún ætti ekki langt eftir.

Alec skipulagði brúðkaup með aðstoð starfsmanna spítalans í Manchester og mættu um tuttugu nánustu vinir parsins.

„Brúðkaupið var tilfinningaþrungið. Þetta var erfiðasti en jafnframt fallegasti dagurinn. Sam var svo sérstök og hún snerti svo mörg líf í samfélaginu. Það komu yfir þrjú hundruð manns í jarðarförina hennar. Hún var einstök,“ segir Alec í viðtali við Metro.

Parið hafði þegar ákveðið hvar þau ætluðu að gifta sig en þegar Samantha greindist settu þau allt skipulag á bið.

„Vinkona okkar og starfsmenn spítalans hjálpuðu okkur með allt. Ég er svo þakklát þeim. Sam var eina manneskjan sem gat brosað sama hvað og hún fékk aðra til þess að brosa líka. Við eigum enga mynd af henni þar sem hún er ekki brosandi.“

Alec segir að þrátt fyrir að dagurinn hafi verið tilfinningaþrunginn þá hafi hann einnig verið töfrandi og að þau hafi skapað fullt af minningum saman. Segir hann hjarta sitt vera brotið en á sama tíma sé hann hamingjusamur að hafa geta uppfyllt ósk Samönthu. Sex dögum eftir brúðkaupið lést Samantha og var eiginmaður hennar við hlið hennar allan tímann.

„Þetta var yndislegur dagur og ég er glaður að við gátum gert þetta að veruleika þar sem okkur hafði alltaf langað til þess að gifta okkur. Við ætluðum að stofna fjölskyldu saman og við vorum farin að huga að barneignum. Hjarta mitt er brotið en ég er stoltur að okkur tókst að láta þetta verða að veruleika.“