Þegar börn eru annars vegar geta hlutirnir verið fljótir að gerast. Meðfylgjandi myndband var tekið ekki alls fyrir löngu og sýnir móður með dætrum sínum tveimur.
Móðirin er að koma heim úr göngutúr með stúlkunum og sést losa yngri dóttur sína úr kerrunni. Á meðan tekur eldri dóttir hennar upp á því að grípa í bílskúrshurðina þegar hún opnast.
Sem betur fer slasaðist stúlkan ekki og er myndbandið ágætt dæmi um að foreldrahlutverkið getur verið vandasamt – þó skemmtilegt sé.