Það eru líklega margar konur sem kannast við það að finnast notalegt að klæða sig í föt af makanum sínum og nú er komin fram góð afsökun fyrir því.
Rannsakendur í breska Columbia Háskólanum hafa komist að því að það að klæðast í fötum frá makanum þínum dregur úr áhyggjum, einmanaleika og kvíða.
Það voru 96 konur sem tóku þátt í rannsókninni sem Metro greindi frá. Konurnar voru fengnar til þess að þefa af þremur mismunandi hlutum; Lyktina af maka þeirra, lyktina af ókunnugum og hlutlausri lykt. Maki kvennanna var svo fenginn til þess að ganga í bol í tuttugu og fjórar klukkustundir fyrir rannsóknina sjálfa. Konurnar voru látnar fara í nokkur próf og í ljós kom að þær konur sem fengu að þefa af bol maka síns á meðan á prófunum stóð mældust með minni áhyggjur en þær sem fengu bol af ókunnugum.
Svo ef maki þinn ætlar að kvarta yfir því að þú sért að nota fötin hans, þá getur þú bent honum á þessa rannsókn.