Við höfum öll heyrt um foreldrana sem ganga stundum aðeins of langt þegar kemur að íþróttaiðkun barnanna. Líklega er keppnisskap foreldranna kannski aðeins of mikið og erfitt getur verið að standast freistinguna á því að hrópa, öskra, tja eða hjálpa til eins og þessu tilfelli.

Sonur manns sem spilar með liði undir átta ára í fótbolta var að taka þátt í keppni. Hann var í marki og stóð faðir hans á hliðarlínunni og fylgdist með samkvæmt Metro.

Þegar faðir hans sá að boltinn var á leið í markið og að sonur hans var ekki að fylgjast nægilega vel með, stökk faðirinn inn á völlinn og hrinti syni sínum til þess að hindra að boltinn færi í markið.

Í fyrstu telur faðirinn að hann hafi bjargað því að hitt liðið skoraði en leikmaður í liðinu á móti syni hans fór að boltanum, skaut og skoraði. Þá gekk faðirinn fúll í burtu.

Foreldrar ættu allir að geta lært sitthvað af þessu myndbandi. Til dæmis: Ekki vera þetta foreldri.