Það er erfitt fyrir fólk sem upplifir sársauka að lýsa honum fyrir fólki sem ekki hefur upplifað það sama. Það skiptir ekki máli hvort um er að ræða sársauka sem konur upplifa við fæðingu eða sársauka sem karlmenn upplifa við það að fá spark í punginn. Bæði er talið vera sársaukafull reynsla en hvorugur aðilinn sem upplifir sársaukann getur útskýrt hann fyrir þeim sem ekki hefur upplifað hann.

Það kemur sér því vel að NHS, stærsta heilsuvefsíða Bretlands hefur gefið út lista yfir tuttugu verstu sársaukana sem hægt er að upplifa.

Hver og einn sársauki hefur eitthvað með heilsu fólks að gera og þeir sem glíma við einhvern af þeim tuttugu heilsufarsbrestum sem er á listanum getur verið að upplifa sársauka sem er svo slæmur að hann hefur áhrif á daglegt líf þeirra.

Listann má sjá hér fyrir neðan og kemur hann ekki í neinni ákveðinni röð.

• Botnlangabólga
• Shingles – Bráður veirusjúkdómur í skyntaugum
• Frosin öxl
• Höfuðverkur – Cluster hadaches (sársaukafullur höfuðverkur sem myndast þegar frumur losa frá sér histamín)
• Beinbrot
• Alvarlegur svæðisbundinn sársaukasjúkdómur (CRPS)
• Hjartaáfall
• Brjósklos
• Liðagigt
• Frumusjúkdómur
• Mígreni
• Settaugarbólga
• Nýrnasteinar
• Trigeminal neuralgia – Kippkenndur sársauki sem á uppruna sinn í aðaltaug andlitsins
• Bráð brisbólga
• Legslímuflakk – Endómetríósa
• Gigt
• Magasár
• Vefjagigt
• Sársauki eftir aðgerð

Suma sársaukana á listanum er hægt að takmarka við stuttan tíma í lífi fólks, svo sem sársauka eftir aðgerð og beinbrot en aðrir eru sársaukar sem fólk lifir við alla ævi og eru þeir taldir verstu sársaukarnir þar sem þeir eru krónískir, þar má nefna sem vefjagigt, legslímuflakk og mígreni. Þessir þrír sjúkdómar eru einnig þeir sem algengast er að séu misgreindir.