Bleikt

Matarkúlur fyrir smáfuglana – DIY

Fríða B. Sandholt
Föstudaginn 2. nóvember 2018 14:00

Nú er heldur betur farið að kólna úti og þá er um að gera að muna eftir smáfuglunum sem flögra svangir um í fæðuleit.
Ég reyni alltaf að gefa þessum litlu greyum yfir veturinn, en hef oft velt því fyrir mér hvað sé best fyrir þá að fá að borða. Sumir segja að það eigi alls ekki að gefa þeim brauð eða haframjöl, því að það blási út í maganum á þeim og það sé ekki hollt fyrir þá.
Ég ákvað því að „googla“ ef ég leyfi mér að nota slettu og fann grein á vísindavefnum þar sem farið er yfir hvað er best að gefa hverri tegund fyrir sig að borða. Hér er linkurinn á hana.

En í þessari grein er talað um að eitt að því besta sem þeir fá er feitmeti, tólg, dýrafita, flot og mör því þeir þurfa orku í kuldanum.
Starrinn sækir í flesta matarafganga, svosem brauðmylsnu, kartöflur og fleira.
Skógarþrestir og svartþrestir vilja epli og perur og Auðnutittlingar og snjótittlingar sækja í fræ ýmiskonar.

Hægt er að fá fuglafræ í flestum matvöru búðum og einnig í dýrabúðum.

Ég gef fuglunum í mínum garði yfirleitt bara korn og brauðmylsnur. En ég prufaði að búa til matarkúlu handa þeim úr korni og feiti og þeir virðast vera mjög sólgnir í það.

Það er mjög einfalt að búa til matarkúlu. Það eina sem þú þarft er fuglakorn sem fæst í flestum matvöruverslunum eða dýrabúðum og palmin feiti (eða einhver feiti sen hægt er að bræða) ég mæli þó ekki mað því að nota smjörlíki í þetta.

Það sem þarf:
1000gr fuglakorn
500gr palmín feiti (eða önnur fita, þó ekki smjörlíki)
plastdollur eða afskornar plastflöskur

Þið byrjið á því að vigta kornið, og setja það í hæfilega stór ílát. Ég notaði bara plastflöskur sem ég skar efri partinn af. Bræðið svo feitina og hellið yfir kornið svo það fljóti vel yfir.

Látið kólna í ísskáp í nokkra tíma, ég læt þetta yfirleitt standa í ísskápnum yfir nótt.

Ef ég nota botna af plastflöskum, þá sker ég plastið utan af kúlunni með dúkahníf. En það er vel hægt að nota litla plastdollu og þá á þetta að losna alveg úr með því að láta renna örlítið af heitu vatni.

Fríða B. Sandholt
Fríða er þriggja barna móðir og eiginkona og starfar sem sjúkraliði á Landspítalanum.

Fríða hefur brennandi áhuga á öllu sem viðkemur hönnun og hefur mjög gaman af því að innrétta heimili sitt. Einnig hefur hún mikinn áhuga á bakstri og kökuskreytingum og öllu sem því viðkemur.

Fríða heldur úti opnum Snapchat aðgangi undir nafninu: fridabsandholt
Og bloggsíðunni https://fridabsandholt.blogspot.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 dögum

Fræga fólkið sem kynntist við tökur – Hamingjusamt til æviloka?

Fræga fólkið sem kynntist við tökur – Hamingjusamt til æviloka?
Bleikt
Fyrir 5 dögum

Reyndi sjálfsvíg eftir líkamsárásir frá samnemendum: Eyddi afmælisdeginum á sjúkrahúsi – „Ég vil ekki drepa mig“

Reyndi sjálfsvíg eftir líkamsárásir frá samnemendum: Eyddi afmælisdeginum á sjúkrahúsi – „Ég vil ekki drepa mig“