Það eru misjafnar skoðanirnar á svokölluðu „Fish spa“ þar sem fólk fer í fóthreinsun með því að stinga fótunum ofan í fiskabúr fullu af fiskum sem nærast á dauðum húðfrumum. Sumum finnst það frábært og finnast þeir endurnærðir eftir meðferðina á meðan öðrum hryllir við því að stinga fótunum ofan í búr fullu af fiskum.
Það er því ekki líklegt að þeir sem tilheyri seinni hópnum vilji kíkja á kaffihúsið Amix Cafe sem staðsett er í Ho Chi Minh í Víetnam. Þar býðst fólki að fá sér drykki og slaka á í ökkladjúpu vatni fullu af allskonar fiskum, stórum sem smáum.
Sérstakt hreinsikerfi er notað í vatnið til þess að heilsa fiskana sé góð og þarf hver og einn gestur að hreinsa á sér fæturna áður en hann kemur inn á kaffihúsið. Hér fyrir neðan má sjá myndband þar sem sýnt er frá staðnum:
