Þúsundþjalasmiðurinn Kim Kardashian er uppátækjasöm og hefur nýjasta uppátæki hennar vakið talsverða athygli. Hún birti mynd af sér á Instagram-síðu sinni í afar litlu bikini og hefur myndin vakið spurningar um siðferðiskennd raunveruleikastjörnunnar. Myndina og færsluna má sjá hér að neðan.
Myndin sem um ræðir sýnir glöggt líkamsbyggingu Kim og skilur í raun ekki mikið eftir fyrir ímyndunaraflið. Hún er klædd Chanel-bikiníi og hylur toppurinn í raun aðeins gerivörturnar. Nærbuxurnar eru ekki ýkja efnismiklar eins og sjá má hér að neðan.
Bikiníið sem Kim klæðist er úr línu Chanel frá árinu 1996 og klæddust þekktar fyrirsætur á borð við Eva Herzigova og Stella Tennant því á sýningarpöllunum fyrir margt löngu.
Sitt sýnist hverjum um myndina; sumir hafa hrósað Kim, sagt myndina flotta og óþarfi sé að móðgast yfir henni. Öðrum finnst Kim ganga full langt og segja myndina af kynferðislegum toga – vafasamt í ljósi þess að margar ungar stúlkur líta upp til Kim Kardashian sem er með 118 milljónir fylgjenda á Instagram.
Fjölmargir hafa skrifað athugasemdir við myndina. Einn segir myndina „ógeðslega“, annar segir hana „dónalega“ og „klúra“ á meðan enn annar segir: „Þú ert betri en þetta. Haltu þessari mynd fyrir eiginmann þinn.“
Kim Kardashian er sem fyrr segir ein skærasta stjarnan á Instagram og eru aðeins Selena Gomez, Cristiano Ronaldo og Ariana Grande með fleiri fylgjendur en hún.
