Leikkonan Jada Pinkett– Smith viðurkenndi það í viðtali á dögunum að hún hafi aldrei viljað giftast eiginmanni sínum Will Smith. Segist hún hafa verið í svo miklu uppnámi á brúðkaupsdaginn að hún hafi grátið allan daginn.

Leikkonan sem er 47 ára gömul í dag, giftist Will Smith árið 1997. Jada var í miklu uppnámi allan brúðkaupsdaginn og fannst hún þvinguð til þess að gifta sig. Á brúðkaupsdaginn sjálfan var Jada ófrísk af syni þeirra hjóna, Jaden Smith, og var hún að ganga í gegnum virkilega erfiða meðgöngu.

„Ég vissi bara að mig langaði aldrei til þess að gifta mig. Fyrsti þriðjungur meðgöngunnar var svo hræðilegur og ég var í svo miklu uppnámi að ég grét alla leiðina upp að altarinu og aftur til baka,“ segir Jada í viðtali sem The Sun greindi frá.

Ástæða þess að Jada vildi ekki giftast Will var sú að hún hefur aldrei verið sammála því hvernig hjónaböndum eru stillt upp.

„Ég hef bara aldrei verið sammála uppbyggingunni á hjónaböndum. Þar til dauðinn aðskilur okkur er raunverulegt fyrir mér, en það eru þessar reglur og hugmyndir. Titillinn „eiginkona“ og skilgreining á því orði. Það er ekki ég.“

Móðir Jada bað hana seinna afsökunar á því að hafa látið hana finna fyrir þrýstingi um að ganga í hjónaband, en Will, eiginmaður hennar hefur viðurkennt það að hans stærsta ósk í lífinu hafi alltaf verið að verða eiginmaður.

„Það var ekki einn dagur í mínu lífi þar sem ég upplifði eitthvað annað en það að vilja gifta mig og eignast fjölskyldu.“ Sagði Will Smith.

Þrátt fyrir þessa slæmu lífsreynslu Jada á sínum tíma hefur hjónaband þeirra gengið vel og hafa þau staðið sterk saman. Það kom þó upp erfiður tími í sambandi þeirra sem fékk þau til þess að taka ákvörðun um að kalla sig frekar lífsförunauta heldur en eiginmaður og eiginkona. Í dag eiga Jada og Will saman tvö börn, Jaden og Willow en fyrir á Will sonin Trey út fyrra hjónabandi sínu.